നിതിന് രാജിന്റെ മരണത്തില് പ്രതിഷേധം; ഹർത്താൽ ആരംഭിച്ചു, വാഹനങ്ങൾ തടഞ്ഞു
കണ്ണൂര് അഞ്ചരക്കണ്ടി ദന്തല് കോളേജ് വിദ്യാര്ത്ഥി നിതിന് രാജിന്റെ മരണത്തില് ആക്ഷന് കൗണ്സിലും വിവിധ ദളിത്-ആദിവാസി സംഘടനകളും ആഹ്വാനം ചെയ്ത ഹര്ത്താല് ആരംഭിച്ചു.
പ്രതിഷേധക്കാർ വിവിധ ജില്ലകളിൽ വാഹനങ്ങൾ തടഞ്ഞു.
തിരുവനന്തപുരം കണിയാപുരത്തും നെടുമങ്ങാടും തമ്പാനൂരും പ്രതിഷേധക്കാര് വാഹനം തടഞ്ഞു.
നെടുമങ്ങാട് കെഎസ്ആര്ടിസി ബസ് സ്റ്റാന്ഡില് നിന്നും ബസുകള് പുറത്തേക്ക് ഇറക്കാന് അനുവദിച്ചില്ല. കൂടാതെ കണിയാപുരത്ത് ഒന്നരമണിക്കൂറിലേറെയായി വാഹനങ്ങള് തടയുകയാണ്.
തുടര്ന്ന് പൊലീസും പ്രവര്ത്തകരും തമ്മില് ഉന്തും തള്ളുമുണ്ടായി. ഇടുക്കി തൊടുപുഴ നഗരത്തിലും വടക്കന് പറവൂരിലെ കച്ചേരിപടിയിലും ഹര്ത്താല് അനുകൂലികള് വാഹനം തടഞ്ഞു.
