പാലക്കാട് ആര്.എസ്.എസ് പ്രവര്ത്തകന് വെട്ടേറ്റ് മരിച്ചു
പാലക്കാട്: മമ്പറത്ത് ആര്.എസ്.എസ് പ്രവര്ത്തകന് വെട്ടേറ്റ് മരിച്ചു. ഏലപ്പുള്ളി സ്വദേശി സഞ്ജിത്താണ് മരിച്ചത്. സഞ്ജിത്ത് ഭാര്യയുമായി ബൈക്കില് വരുമ്പോള് തടഞ്ഞുനിര്ത്തിയാണ് ആക്രമണം നടന്നത്. കാറിലെത്തിയ നാലംഗ സംഘമാണ് ആക്രണത്തിന് പിന്നില്.
സഞ്ജിത്തിന്റെ മൃതദേഹം ഇപ്പോള് പാലക്കാട് ജില്ലാ ആശുപത്രിയിലാണുള്ളത്. സഞ്ജിത്തിന്റെ ശരീരമാസകലം പരിക്കേറ്റ പാടുകളുണ്ട്. രാഷ്ട്രീയ സംഘര്ഷത്തിന്റെ ഭാഗമായാണ് കൊലപാതകം നടന്നതെന്നാണ് പൊലീസ് നല്കുന്ന വിവരം.
നേരത്തെയും പ്രദേശത്ത് ചില രാഷ്ട്രീയ സംഘര്ഷങ്ങളുണ്ടായിരുന്നു. അതിന്റെ തുടര്ച്ചയാണ് ഈ സംഭവം എന്നാണ് പൊലീസ് സംശയിക്കുന്നത്. കൊലപാതകത്തിന് പിന്നില് എസ്.ഡി.പി.ഐയാണെന്ന് ബി.ജെ.പി പാലക്കാട് ജില്ലാ അധ്യക്ഷന് കെ.എം. ഹരിദാസ് ആരോപിച്ചു.
