കേന്ദ്രമന്ത്രി സ്ഥാനം രാജിവെച്ച് ജോർജ് കുര്യൻ; രാജ്യസഭ കാലാവധി പൂർത്തിയായതിന് പിന്നാലെ രാജി
കേന്ദ്രമന്ത്രി സ്ഥാനം രാജിവെച്ച് ജോർജ് കുര്യൻ. രാജ്യസഭ കാലാവധി പൂർത്തിയായതിന് പിന്നാലെയാണ് രാജി. രാജി രാഷ്ട്രപതി അംഗീകരിച്ചു. ജോർജ് കുര്യനെ രാജ്യസഭയിലേക്ക് വീണ്ടും പരിഗണിച്ചിരുന്നില്ല. ജോർജ് കുര്യൻ സംഘടന ചുമതലയിലേക്ക് മടങ്ങുമെന്നാണ് ലഭ്യമാകുന്ന സൂചന.
കേരളത്തിൽ പ്രവർത്തിക്കാനുള്ള താൽപര്യം ജോർജ് കുര്യൻ കേന്ദ്ര നേതൃത്വത്തെ അറിയിച്ചു. എന്നാൽ ദേശീയ തലത്തിലോ, കേരളത്തിലോയെന്ന കാര്യം പാര്ട്ടി വ്യക്തമാക്കിയിട്ടില്ല. മൂന്നാം മോദി സര്ക്കാരില് 2024 ജൂണ് 9നാണ് ന്യൂനപക്ഷം, ഫിഷറീസ്, മൃഗസംരക്ഷണം, വകുപ്പ് സഹമന്ത്രിയായി ജോര്ജ് കുര്യന് ചുമതലയേറ്റത്.
ഇക്കഴിഞ്ഞ നിയമസഭ തെരഞ്ഞെടുപ്പില് കാഞ്ഞിരപ്പള്ളിയില് നിന്ന് മത്സരിച്ചെങ്കിലും തോറ്റു. ബിജെപി സംസ്ഥാന ഉപാധ്യക്ഷന്, ദേശീയ നിര്വഹക സമിതിയംഗം, കോര്കമ്മിറ്റിയംഗം, പാര്ട്ടി വക്താവ് തുടങ്ങിയ നിലകളില് പ്രവര്ത്തിച്ച ജോര്ജ് കുര്യന് ഒ രാജഗോപാല് കേന്ദ്രമന്ത്രിയായിരുന്നപ്പോള് ഓഫീസര് ഓണ് സ്പെഷ്യല് ഡ്യൂട്ടിയായും സേവനമനുഷ്ഠിച്ചിട്ടുണ്ട്.
