പരപ്പനങ്ങാടി മർച്ചൻ്റ് അസോസിയേഷൻ നിർമിച്ചു നൽകിയ സ്നേഹ വീട് സമർപ്പിച്ചു.
പരപ്പനങ്ങാടി : വ്യാപാരി വ്യവസയി ഏകോപന സംസ്ഥാന അധ്യക്ഷനായിരുന്ന ടി. നസിറുദ്ധീൻ്റെ സ്മരണയിൽ പരപ്പനങ്ങാടി മർച്ചൻ്റ് അസോസിയേഷൻ നിർമിച്ചു നൽകിയ സ്നേഹ വീടിൻ്റെ താക്കോൽ ദാനം വ്യാപാരി വ്യവസായി ഏകോപന സമിതി സംസ്ഥാന വർക്കിങ് പ്രസിഡൻ് പി. കുഞ്ഞാവു ഹാജിയും പരപ്പനങ്ങാടി നഗരസഭ ചെയർമാൻ പി.പി. ഷാഹുൽ ഹമീദും ചേർന്ന് നിർവഹിച്ചു.
മർച്ചൻ്സ് അസോസിയേഷൻ പ്രസിഡൻ്റ് അശറഫ് കുഞ്ഞാവാസ് അധ്യക്ഷത വഹിച്ചു.
വ്യാപാരി വ്യവസായി ഏകോപന സമിതി ജില്ല ഉപാധ്യക്ഷൻ ബഷീർ കാടാമ്പുഴ, വനിത വിങ് സംസ്ഥാന സെക്രട്ടറി ജമീല, വനിത വിങ് ജില്ല ഉപാധ്യക്ഷ കമറുന്നിസ, വ്യാപാരി വ്യവസായി ഏകോപന സമിതി ജില്ല സെക്രട്ടറി മലബാർ ബാവ ഹാജി, വിവിധ മണ്ഡലം കമ്മറ്റി പ്രസിഡൻ്റുമാരായ ഷിജു, മുഹമ്മദ്, ഇബ്റാഹീം കുട്ടി, മണ്ഡലം സെക്രട്ടറി ഫിറോസ് സെറാമിക്, സ്നേഹ വീട് ചെയർമാൻ ചുക്കാൻ ഇബ്റാഹിം ഹാജി എന്നിവർ സംസാരിച്ചു.
മർച്ചൻ്റ്സ് അസോസിയേഷൻ ജനറൽ സെക്രട്ടറി മുജീബ് ദിൽദാർ സ്വാഗതവും ട്രഷർ ഹരീഷ് ബ്രാസ് നന്ദിയും പറഞ്ഞു.
എം.വി. സിയാദ് , ജലീൽ റെഡ് റോസ്, സലിം പട്ടണത്ത്, എ. വി. വിനോദ്, എം.വി. ബാവ ഹാജി , നിസാം ഇബ്റാഹിം ബാവ ഹാജി, ലത്വീഫ് കമ്പയിൻസ്, ആബിദ്, സമീർ, ജയ എന്നിവർ നേതൃത്വം നൽകി.
