വരും മണിക്കൂറുകളില് എല്ലാ ജില്ലകളിലും മഴയ്ക്ക് സാദ്ധ്യത; തുലാവര്ഷം ഇത്തവണ സാധാരണയില് കൂടുതല് ലഭിക്കും
അടുത്ത മൂന്ന് മണിക്കൂറില് കേരളത്തിലെ എല്ലാ ജില്ലകളിലും ഒറ്റപ്പെട്ടയിടങ്ങളില് നേരിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
കേന്ദ്ര കാലാവസ്ഥ വകുപ്പിന്റെ പ്രവചന പ്രകാരം കേരളത്തില് ഇത്തവണ തുലാവര്ഷം (ഒക്ടോബര്-ഡിസംബര്) സാധാരണയില് കൂടുതല് ലഭിക്കാന് സാദ്ധ്യത. ഒക്ടോബര് മാസത്തില് പൊതുവെ സാധാരണ മഴ ലഭിക്കാനും സാദ്ധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.
മത്സ്യത്തൊഴിലാളി ജാഗ്രതാ നിര്ദ്ദേശം
കേരള-കര്ണാടക-ലക്ഷദ്വീപ് തീരങ്ങളില് മത്സ്യബന്ധനത്തിനു തടസ്സമില്ല എന്ന് കേന്ദ്ര കാലാവസ്ഥ വകുപ്പ് അറിയിച്ചു.
പ്രത്യേക ജാഗ്രത നിര്ദ്ദേശങ്ങള്
30-09-2022 മുതല് 04-10-2022: ഗള്ഫ് ഓഫ് മാന്നാര്, തമിഴ്നാട് തീരം, ആന്ധ്രാ പ്രദേശ് തീരം, മധ്യ പടിഞ്ഞാറന് ബംഗാള് ഉള്ക്കടല് അതിനോട് ചേര്ന്നുള്ള തെക്ക്-പടിഞ്ഞാറന് ബംഗാള് ഉള്ക്കടല്, ശ്രീലങ്കന് തീരം അതിനോട് ചേര്ന്ന തെക്ക് കിഴക്കന് – തെക്ക് പടിഞ്ഞാറന് ബംഗാള് ഉള്ക്കടല് എന്നിവിടങ്ങളില് മണിക്കൂറില് 40 മുതല് 45 കിലോമീറ്റര് വരെ വേഗതയിലും ചില അവസരങ്ങളില് മണിക്കൂറില് 55 കിലോമീറ്റര് വരെ വേഗതയില് ശക്തമായ കാറ്റിനും, മോശം കാലാവസ്ഥയ്ക്കും സാധ്യത.
മേല്പ്പറഞ്ഞ പ്രദേശങ്ങളില് മുന്നറിയിപ്പുള്ള തീയതികളില് മല്സ്യബന്ധനത്തിന് പോകാന് പാടുള്ളതല്ല.
