പൂച്ച കടിച്ചതിന് കുത്തിവയ്പ്പെടുക്കാനെത്തിയ യുവതിയെ തെരുവുനായ കടിച്ചു.
പ്രതീകാത്മക ചിത്രം
തിരുവനന്തപുരം: തിരുവനന്തപുരം വിഴിഞ്ഞത്ത് സര്ക്കാര് ആശുപത്രിയില് വെച്ച് യുവതിയെ തെരുവുനായ കടിച്ചു.ചപ്പാത്ത് സ്വദേശി അപര്ണ (31) യ്ക്കാണ് കാലില് തെരുവുനായയുടെ കടിയേറ്റത്.
വിഴിഞ്ഞം സാമൂഹികാരോഗ്യ കേന്ദ്രത്തില് വെച്ചായിരുന്നു സംഭവം. പൂച്ച കടിച്ചതിന് കുത്തിവയ്പ്പ് എടുക്കാന് എത്തിയപ്പോഴായിരുന്നു അപര്ണയ്ക്ക് പട്ടിയുടെയും കടിയേറ്റത്.
അതേസമയം തൃശൂര് ചാലക്കുടിയില് ഏഴ് തെരുവ് നായ്ക്കളെ ചത്ത നിലയില് കണ്ടെത്തി. ചാലക്കുടി താലൂക്ക് ആശുപത്രി പരിസരത്താണ് തെരുവു നായ്ക്കളുടെ ജഡം കണ്ടെത്തിയത് . വിഷം കൊടുത്ത് കൊന്നതാണെന്നാണ് നിഗമനം.
