ചെന്നൈയിൽ ട്രെയിനിൽ നിന്നും 4 കോടി രൂപ പിടിച്ചെടുത്തു; ബിജെപി പ്രവർത്തകൻ അടക്കം അറസ്റ്റിൽ
പ്രതീകാത്മക ചിത്രം
ചെന്നൈ താംബരം റെയിൽവേ സ്റ്റേഷനിൽ ട്രെയിനിൽ നിന്ന് 4 കോടി രൂപ പിടിച്ചെടുത്തു.
രഹസ്യവിവരം ലഭിച്ചതിനെ തുടർന്ന് തിരഞ്ഞെടുപ്പ് കമ്മീഷന്റെ ഫ്ളയിങ് സ്ക്വാഡ് നടത്തിയ റെയ്ഡിലാണ് പണം പിടിച്ചെടുത്തത്.
സംഭവത്തിൽ ബിജെപി പ്രവർത്തകർ അടക്കം 4 പേർ അറസ്റ്റിലായിട്ടുണ്ട്.
ഇന്നലെ രാത്രിയിൽ ചെന്നൈയിൽ നിന്ന് തിരുനെൽവേലിയിലേക്ക് പോകുന്ന ട്രെയിനിന്റെ എസി കംപാർട്ട്മെന്റിൽ നിന്ന് ആറ് ബാഗുകളിലായി സൂക്ഷിച്ചിരുന്ന പണം കണ്ടെടുത്തത്.
നെല്ലായി പാർലമെന്റ് മണ്ഡലത്തിൽ നിന്ന് ബിജെപി സ്ഥാനാർഥി നൈനാർ നാഗേന്ദ്രന്റെ നിർദേശപ്രകാരമാണ് പണം കൊണ്ടുപോയത് എന്ന് പിടിയിലായ പ്രതികൾ മൊഴി നൽകിയെന്ന് സൂചനയുണ്ട്.
