വെള്ളച്ചാട്ടങ്ങൾക്കും ജലാശയങ്ങൾക്കും നിയന്ത്രണങ്ങൾ ഏർപ്പെടുത്തണം; വിനോദ സഞ്ചാര വകുപ്പിനും DTPCകൾക്കും നിർദേശം
സംസ്ഥാനത്ത് കാലാവസ്ഥാ വകുപ്പിന്റെ മഴ മുന്നറിയിപ്പ് പരിഗണിച്ച് വിനോദ സഞ്ചാര വകുപ്പിനും ഡിറ്റിപിസികള്ക്കും പ്രത്യേക നിര്ദേശം. ഓറഞ്ച് അലേര്ട്ട് നിലവിലുള്ള ജില്ലകളില് വെള്ളച്ചാട്ടം, ജലാശയങ്ങളുമായി ബന്ധപ്പെട്ട മറ്റ് വിനോദ സഞ്ചാര കേന്ദ്രങ്ങള് എന്നിവയ്ക്ക് നിയന്ത്രണം ഏര്പ്പെടുത്തണമെന്നാണ് അറിയിപ്പ്.
മുന്നറിയിപ്പുകള് പിന്വലിക്കുന്നതുവരെ നിയന്ത്രണങ്ങള് തുടരണം. മണ്ണിടിച്ചില്, ഉരുള്പൊട്ടല് സാധ്യതയുള്ള മലയോര മേഖലകളിലും മഴ അവസാനിക്കുന്നതുവരെ നിയന്ത്രണങ്ങള് ഏര്പ്പെടുത്തണം.
ഇത്തരം സ്ഥലങ്ങളിലേക്കുള്ള റോഡുകളില് മണ്ണിടിച്ചില് സാധ്യത ഉള്ളയിടങ്ങളില് സുരക്ഷാ ബോര്ഡുകള് സ്ഥാപിക്കുകയും ആവശ്യമായ യാത്രാ നിയന്ത്രണങ്ങള് ഏര്പ്പെടുത്തുകയും വേണമെന്നും നിര്ദേശമുണ്ട്.
