ഇലക്ട്രിക് വാഹനം ഓട്ടത്തില് ചാര്ജറാകും, രാജ്യത്തെ ആദ്യ പരീക്ഷണം കേരളത്തില്
പ്രതീകാത്മക ചിത്രം
കൊച്ചി: ഇലക്ട്രിക് വാഹനം ഓട്ടത്തില് ചാർജ് ചെയ്യുന്ന ഡയനാമിക് വയർലസ് സംവിധാനം കേരളത്തിലെത്തുന്നു. രാജ്യത്തെ ആദ്യ പരീക്ഷണമാണിത്.ഇലക്ട്രിക് ബസും കാറും കൂടുതലുള്ള തിരുവനന്തപുരത്താണ് ആദ്യ പരീക്ഷണം. ഒരു വർഷത്തിനുള്ളില് ട്രയല് റണ് നടത്തും. ഇതിനായി നോർവേയിലുള്പ്പെടെ സമാന പദ്ധതി നടപ്പാക്കിയ ഇലക്ട്രിയോണ് കമ്ബനിയുമായി അനെർട്ട് ചർച്ച പൂർത്തിയാക്കി.ഹൈവേ പ്രതലത്തില് സ്ഥാപിക്കുന്ന ട്രാൻസ്മിറ്റർ യൂണിറ്റും വാഹനത്തിനടിയിലെ റിസീവർ പാഡും മുഖാമുഖം വരുമ്പോഴാണ് ചാർജാകുന്നത്.
സ്റ്റാറ്റിക് വയർലസ് ചാർജിംഗും വരുംസ്റ്റാറ്റിക് വയർലസ് ചാർജിംഗ് സ്റ്റേഷനും രാജ്യത്താദ്യമായി പരീക്ഷണാടിസ്ഥാനത്തില് കേരളത്തില് വരും. ഇലക്ട്രിക് ബസുകള്ക്കായാണ് പദ്ധതി. ഇതിലൂടെ വാഹനങ്ങള് നിറുത്തി വയർലസായി ചാർജ് ചെയ്യാം. ഇതിനായി ഡയനാമിക് വയർലസ് ചാർജിംഗിന് സമാനമായി പ്രത്യേക കേന്ദ്രങ്ങള് സ്ഥാപിക്കും.
ബസ് ചാർജാകാൻ അരമണിക്കൂർ
നാല് റിസീവർ പാഡുള്ള ബസില് അര മണിക്കൂറിലെത്തുന്ന വൈദ്യുതി- 44 യൂണിറ്റ്
10 കിലോ മീറ്റർ ഓടാൻ വേണ്ടത്- 10 യൂണിറ്റ്
കാർ ഫുള് ചാർജാകാൻ വേണ്ട വൈദ്യുതി- 20 യൂണിറ്റ്
ഒരു മണിക്കൂറില് കാറിലെത്തുന്ന വൈദ്യുതി-11 യൂണിറ്റ്.
