വെന്തുരുകി കേരളം, ചൂട് തുടരും; പത്ത് ജില്ലകളിൽ ഉയർന്ന താപനില മുന്നറിയിപ്പ്
സംസ്ഥാനത്ത് വരും ദിവസങ്ങളില് വേനല് ചൂട് കൂടുതല് കൊടുക്കുമെന്ന് മുന്നറിയിപ്പ്. ഏപ്രില് 14 വരെ പത്ത് ജില്ലകളില് സാധാരണയേക്കാള് രണ്ട് മുതല് മൂന്ന് ഡിഗ്രി സെല്ഷ്യസ് വരെ താപനില ഉയരാന് സാധ്യതയുണ്ടെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ റിപ്പോര്ട്ട്.
പാലക്കാട്, കൊല്ലം, കോഴിക്കോട്, കാസര്കോട് ജില്ലകളില് താപനില 38 ഡിഗ്രി സെല്ഷ്യസ് വരെ ഉയരാൻ സാധ്യതയുണ്ട്. ആലപ്പുഴ, കോട്ടയം, എറണാകുളം, തൃശൂര്, കണ്ണൂര് ജില്ലകളില് 37 ഡിഗ്രി സെല്ഷ്യസ് വരെയും പത്തനംതിട്ട ജില്ലയില് 36 ഡിഗ്രി സെല്ഷ്യസ് വരെയും ചൂട് വര്ദ്ധിക്കാനും സാധ്യതയുണ്ട്. പാലക്കാട് കഴിഞ്ഞ ദിവസം 40 ഡിഗ്രി സെല്ഷ്യസ് രേഖപ്പെടുത്തി.
ഉയര്ന്ന താപനിലയോടൊപ്പം അന്തരീക്ഷത്തില് ഈര്പ്പമുള്ള വായു തുടരുന്നതിനാല്, മലയോര മേഖലകളിലൊഴികെയുള്ള പ്രദേശങ്ങളില് കടുത്ത ചൂടിനും അസ്വസ്ഥതയ്ക്കും സാധ്യതയുണ്ട്. പൊതുജനങ്ങള് ജാഗ്രത പാലിക്കണമെന്ന് അധികൃതര് നിര്ദ്ദേശിച്ചു.
