കോഴിക്കോട് – പാലക്കാട് സ്പെഷ്യൽ ട്രെയിൻ ഇനി സ്ഥിരം സർവീസ്

കോ​ഴി​ക്കോ​ട്:  കോഴിക്കോട് – പാലക്കാട് സ്പെഷ്യൽ ട്രെയിനായി സർവീസ് തുടങ്ങിയ പാസഞ്ചർ എക്സ്പ്രസ് ട്രെയിൻ (16610) മംഗലാപുരം- പാലക്കാടാക്കി മാറ്റി. ഈ ട്രെയിൻ സ്ഥിരം സർവീസാക്കിയത് യാത്രക്കാർക്ക് സഹായകമായി. 17 മുതലാണ് സർവീസ് തുടങ്ങുക.

അതേസമയം പാലക്കാട്ടു നിന്ന് തിരികെ വരുമ്പോൾ കണ്ണൂരിൽ സർവീസ് അവസാനിക്കും. നിലവിൽ പാലക്കാട് – കോഴിക്കോട് റൂട്ടിലും ഷൊർണൂർ – കണ്ണൂർ റൂട്ടിലും ‌ട്രെയിനുകൾക്ക് മണിക്കൂറുകൾ കാത്തുനിൽക്കേണ്ട അവസ്ഥയുണ്ട്.

ഈ സാഹചര്യത്തിൽ സ്പെഷ്യൽ ട്രെയിൻ സ്ഥിരമാക്കിയത് കുറച്ചെങ്കിലും ആശ്വാസമാകും. ജനപ്രതിനികളുടെയും യാത്രക്കാരുടെയും സംഘടനകളുടെ ആവശ്യം പരിഗണിച്ചാണ് മാസങ്ങൾക്ക് മുമ്പ് സ്പെഷ്യൽ തുടങ്ങിയത്. 05.15ന് മംഗലാപുരത്തു നിന്ന് പുറപ്പെടുന്ന ട്രെയിൻ 10.07ന് കോഴിക്കോട്ടും ഉച്ചയ്ക്ക് 1.05ന് പാലക്കാട് ജംഗ്ഷനിലുമെത്തും. 1.50ന് തരികെ പുറപ്പെടും. 5.25ന് കോഴിക്കോട്ടും 7.30ന് കണ്ണൂരിലുമെത്തും. നിലവിലെ സമയക്രമത്തിൽ മാറ്റത്തിന് സാദ്ധ്യതയുണ്ട്.