ചേളാരിയിൽ പ്ലൈവുഡ് ഗോഡൗണിൽ തീപിടിത്തം
തേഞ്ഞിപ്പലം: താഴെ ചേളാരിയിലെ സ്കൂളിന് സമീപമുള്ള ഒരു പ്ലൈവുഡ്ഗോഡൗണിൽ തീപിടിത്തം. പ്ലൈവുഡ് ഉപയോഗിച്ചുള്ള ഫർണിച്ചറും പെട്ടികളും നിർമ്മിക്കുന്ന ഗോഡൗണിലാണ് തീ പടർന്നത്. ഇന്നലെ രാത്രിയാണ് സംഭവം.
വിവരം ലഭിച്ചതിനെ തുടർന്ന് ഫയർഫോഴ്സ് സംഘം സ്ഥലത്തെത്തി തീയണക്കുന്നതിനുള്ള പ്രവർത്തനങ്ങൾ നടത്തി.
തീപിടിത്തത്തിൽ ആർക്കും പരിക്കില്ല.. സംഭവത്തിൽ വൻ നാശനഷ്ടത്തെ കുറിച്ച് അറിവായിട്ടില്ല. തീപിടിത്തത്തിന്റെ കാരണം വ്യക്തമല്ല.
