തിരൂരങ്ങാടിയിൽ ജുമാമസ്ജിദിലെ മോഷണ ശ്രമം; യുവാവ് അറസ്റ്റിൽ
തിരൂരങ്ങാടി: തിരൂരങ്ങാടി തറമ്മൽ ജുമാമസ്ജിദിലെ ഇമാമിൻെറയും, സ്ത്രീകളുടെ നിസ്കാരമുറിയുടേയും പൂട്ടുപൊളിച്ച് അകത്തു കടന്ന് മോഷണ ശ്രമവുമായി ബന്ധപ്പെട്ട് ഒരാളെ പോലീസ് അറസ്റ്റ് ചെയ്തു.
വേങ്ങര നെടുപ്പറമ്പ് സ്വദേശി വള്ളിക്കാടൻ മുഹമ്മദ് ജുറൈജ് (28) നെയാണ് തിരൂരങ്ങാടി പോലീസ് ഇൻസ്പെക്ടർ പ്രദീപ് കുമാറിൻെറ നേതൃതൃത്തിൽ അറസ്റ്റ് ചെയ്തത്.
കഴിഞ്ഞ മാസം 30 നാണ് കേസിനാസ്പദമായ സംഭവം. സ്ഥലത്തെ സിസിടിവി ദൃശ്യങ്ങളിൽ നിന്നും ഇയാളെ മോഷണത്തിന് ശ്രമിക്കുന്ന തെളിവുകൾ ലഭിച്ചു.
വേങ്ങര, തേഞ്ഞിപ്പലം, കോഴിക്കോട്, പരപ്പനങ്ങാടി, തലശ്ശേരി എന്നിവിടങ്ങളിൽ കളവ്, കഞ്ചാവ് കേസുകൾ ഉൾപ്പെടെ 10 കേസ്സുകൾ രജിസ്റ്റർ ചെയ്തിട്ടുണ്ട്. പരപ്പനങ്ങാടി കോടതിയിൽ ഹാജരാക്കിയ പ്രതിയെ റിമാൻഡ് ചെയ്ത് തിരൂർ സബ്ബ് ജയിലിൽ റിമാൻഡിൽ പാർപ്പിച്ചു.
സി.ഐക്ക് പുറമെ സബ് ഇൻസ്പെക്ടർമാരായ എ.ഡി. വിൻസെൻറ്, കെ. രാജേഷ്, സിപിഒ മാരായ അനീഷ് ബാബു, മുഹമ്മദ് റഫീഖ് എന്നിവരങ്ങിയ സംഘമാണ് ഇയാളെ അറസ്റ്റ് ചെയ്തത്.
