പരപ്പനങ്ങാടി – കടലുണ്ടിക്കടവ് റോഡ് പ്രവൃത്തി ശനിയാഴ്ച മുതൽ പുനരാരംഭിക്കും; ഇതുവഴി ഗതാഗതം നിരോധിച്ചു: ശനിയാഴ്ച മുതൽ വാഹനങ്ങൾ വഴിമാറിപ്പോകണം
പരപ്പനങ്ങാടി : തിരൂര്‍-കടലുണ്ടി റോഡില്‍ പരപ്പനങ്ങാടി മുതല്‍ കടലുണ്ടിക്കടവ് വരെ ബി.എം. ബി.സി.പ്രവൃത്തികള്‍ പുനരാരംഭിക്കുന്നതിനാൽ ഈ റോഡിലൂടെയുള്ള വാഹനഗതാഗതം 16 ശനിയാഴ്ച മുതൽ പ്രവൃത്തി തീരുന്നത് വരെ പൂര്‍ണമായും നിരോധിച്ചതായി എക്‌സി. എന്‍ജിനീയര്‍ അറിയിച്ചു.
ചേളാരിയിൽ നിന്നും തിരൂർ ഭാഗത്തേക്കും തിരിച്ചും പോകേണ്ട വാഹനങ്ങൾ കൂട്ടുമുച്ചിയിൽ നിന്നും തയ്യിലപ്പടി-ഇരുമ്പോത്തിങ്ങൽ പരപ്പനങ്ങാടി-പാറക്കടവ് റോഡ് വഴി പരപ്പനങ്ങാടി-അരീക്കോട് റോഡിൽ പുത്തരിക്കലിൽ പ്രവേശിച്ച് പരപ്പനങ്ങാടി റെയിൽവേ ഓവർ ബ്രിഡ്ജ് വഴി പോകണം.
കടലുണ്ടിയിൽ നിന്നും തിരൂർ ഭാഗത്തേക്ക് പോകേണ്ട വാഹനങ്ങൾ കോട്ടക്കടവ് ബ്രിഡ്ജ് അപ്രോച്ച് റോഡ് വഴി അത്താണിക്കലിൽ വന്ന്, ഇരുമ്പോത്തിങ്ങൽ- കൂട്ടുമുച്ചി-അത്താണിക്കൽ റോഡ് വഴി കൂട്ടുമുച്ചിയിൽ നിന്നും തയ്യിലപ്പടി- ഇരുമ്പോത്തിങ്ങൽ റോഡ്, പരപ്പനങ്ങാടി-പാറക്കടവ് റോഡ് വഴി പരപ്പനങ്ങാടി- അരീക്കോട് റോഡിൽ പുത്തരിക്കലിൽ പ്രവേശിച്ച് പരപ്പനങ്ങാടി റെയിൽവേ ഓവർ ബ്രിഡ്ജ് വഴി തിരിഞ്ഞും പോകേണ്ടതാണ്.
ഗതാഗത നിയന്ത്രണം ഉള്ളതിനാൽ ഹെവി വാഹനങ്ങൾ ദേശീയപാത വഴി തിരിഞ്ഞ് പോകണം. കാൽനട യാത്രക്കാരും, വാഹനത്തിൽ യാത്ര ചെയ്യുന്നവരും കരുതലോടെ സഞ്ചരിക്കണമെന്നും എക്‌സി. എന്‍ജിനീയര്‍ അറിയിച്ചു.
