വള്ളിക്കുന്നിൽ ബൈക്ക് നിയന്ത്രണം വിട്ട് മറിഞ്ഞ് മധ്യവയസ്കൻ മരിച്ചു.
വള്ളിക്കുന്ന്: ബൈക്ക് നിയന്ത്രണം വിട്ട് മറിഞ്ഞ് മധ്യവയസ്കൻ മരിച്ചു. ആനങ്ങാടിബീച്ചിലെ പരേതനായ കിഴക്കന്റെ പുരക്കൽ മമ്മദ് മകൻ ചെറിയബാവ (65) ആണ് മരിച്ചത്.
കൊടക്കാട് – വള്ളിക്കുന്ന് റെയിൽവേ അടിപ്പാത റോഡിൽ വെച്ച് വെള്ളിയാഴ്ച വൈകീട്ട് മൂന്നിനായിരുന്നു അപകടം.
ഉടനെ കോഴിക്കോട് മെഡിക്കൽ കോളജ് ആശുപത്രിയിൽ എത്തിച്ച് ചികിത്സയിലിരിക്കെ വൈകീട്ടോടെ മരിച്ചു.
ഭാര്യ: റാബിയ. മക്കൾ: മുസ്തഫ, സമീറ, സുനീറ, നസീറ, ശറഫുദ്ധീൻ. മരുമക്കൾ: റഷീദ് താനൂർ, ഹാരിസ് ചെട്ടിപ്പടി, അഹ്മദ് ഖാസിം ചെട്ടിപ്പടി, ശബാന ജാസ്മിൻ വള്ളിക്കുന്ന്, ശബ്ന താനൂർ.
പോസ്റ്റ്മോർട്ടത്തിന് ശേഷം ശനിയാഴ്ച ആനങ്ങാടിബീച്ച് ജുമാ മസ്ജിദ് ഖബർസ്ഥാനിൽ ഖബറടക്കും.
