അറബിയിൽനിന്ന് സ്വർണ നാണയങ്ങൾ വാങ്ങിത്തരാമെന്ന് വിശ്വസിപ്പിച്ച് വീട്ടമ്മയിൽനിന്ന് പണവും സ്വർണവും കവർന്ന കേസിൽ യുവാവ് അറസ്റ്റിൽ.
മകളുടെ കല്യാണത്തിന് അറബിയിൽനിന്ന് സ്വർണ നാണയങ്ങൾ വാങ്ങിത്തരാമെന്ന് വിശ്വസിപ്പിച്ച് വീട്ടമ്മയിൽനിന്ന് അരലക്ഷം രൂപയും മൂന്നുപവൻ സ്വർണവും കവർന്ന കേസിൽ കാപ്പ കേസ് പ്രതി അറസ്റ്റിൽ.
അരീക്കോട് പൂളക്കച്ചാലിൽ വീട്ടിൽ അസീസ് (40) എന്ന അറബി അസീസിനെയാണ് മലപ്പുറം ഡി.വൈ.എസ്.പി. അബ്ദുൽ ബഷീറിന്റെ നേതൃത്വത്തിലുള്ള പ്രത്യേക അന്വേഷണ സംഘം അറസ്റ്റുചെയ്തത്.
സ്വർണമാലയും പണവും വീട്ടമ്മ മഞ്ചേരി പൊലീസിൽ പരാതി നൽകിയിരുന്നു. തുടർന്ന് നടത്തിയ അന്വേഷണത്തിൽ അസീസിനെ അരീക്കോട്ടെ വീട്ടിൽനിന്ന് കസ്റ്റഡിയിയിലെടുക്കുകയായിരുന്നു. മോഷണം, ലഹരിക്കടത്ത്, വഞ്ചന തുടങ്ങിയ ഒട്ടേറെ കേസുകളിൽ ഉൾപ്പെട്ട അസീസിനെ ഒരു വർഷത്തോളം കാപ്പ ചുമത്തി ജയിലിലടച്ചിട്ടുണ്ട്.
ജാമ്യത്തിൽ ഇറങ്ങി വീണ്ടും കുറ്റകൃത്യത്തിൽ ഉൾപ്പെട്ടതോടെയാണ് ഇയാളെ കസ്റ്റഡിയിലെടുത്തത്. പ്രതിയെ ശനിയാഴ്ച കോടതിയിൽ ഹാജരാക്കും.
