ക്ഷേമനിധി, സാമൂഹ്യ സുരക്ഷാ പെൻഷൻ വിതരണം നാളെ മുതൽ
തിരുവനന്തപുരം: ക്ഷേമനിധി ബോർഡ് പെൻഷനും സാമൂഹ്യ സുരക്ഷാ പെൻഷനും സംബന്ധിച്ച തുകകൾ സംസ്ഥാന സർക്കാർ അനുവദിച്ചു. നാളെ മുതൽ പെൻഷൻ വിതരണം ആരംഭിക്കും.
ക്ഷേമനിധി ബോർഡുകളിലെ ഈ മാസത്തെ പെൻഷൻ വിതരണത്തിനായി 130.31 കോടി രൂപയാണ് അനുവദിച്ചിരിക്കുന്നത്. 6.59 ലക്ഷം ഗുണഭോക്താക്കൾക്ക് പെൻഷൻ ലഭ്യമാകും.
ഈ മാസത്തെ സാമൂഹ്യ സുരക്ഷാ പെൻഷൻ വിതരണത്തിനായി 951.39 കോടി രൂപയും സർക്കാർ അനുവദിച്ചു. 51.59 ലക്ഷം ഗുണഭോക്താക്കൾക്ക് ഇതിലൂടെ പെൻഷൻ ലഭിക്കും. ഈ മാസം 31 വരെയാണ് പെൻഷൻ വിതരണം നടക്കുക.
സഹകരണ സംഘങ്ങൾ വഴി വീടുകളിലെത്തിച്ചാണ് പെൻഷൻ നൽകുക. ക്ഷേമനിധി ബോർഡ് പെൻഷനും സാമൂഹ്യ സുരക്ഷാ പെൻഷനും ഒരുമിച്ചാണ് വിതരണം ചെയ്യുന്നത്. പ്രായാധിക്യം, വിധവ, വികലാംഗ പെൻഷനുകൾ ഉൾപ്പെടെയുള്ളവയാണ് സാമൂഹ്യ സുരക്ഷാ പെൻഷൻ വിഭാഗത്തിൽ ഉൾപ്പെടുന്നത്.
ക്ഷേമനിധി ബോർഡുകളിൽ തൊഴിലാളി ക്ഷേമനിധി, കർഷക തൊഴിലാളി ക്ഷേമനിധി, കയർ തൊഴിലാളി ക്ഷേമനിധി, കശുവണ്ടി തൊഴിലാളി ക്ഷേമനിധി തുടങ്ങിയവയിലെ അംഗങ്ങൾക്കാണ് പെൻഷൻ ലഭിക്കുന്നത്. പെൻഷൻ കുടിശിക ഒഴിവാക്കി സമയബന്ധിതമായി വിതരണം നടത്തുകയാണ് സർക്കാരിന്റെ ലക്ഷ്യം.
സഹകരണ ബാങ്കുകൾ വഴിയും ബാങ്ക് അക്കൗണ്ടുകൾ വഴിയും പെൻഷൻ വിതരണം നടക്കും. വീട്ടിൽ കിടപ്പിലായവർക്കും മറ്റ് പ്രയാസമുള്ളവർക്കും സഹകരണ സംഘം ജീവനക്കാർ നേരിട്ട് എത്തിച്ചുനൽകും.
