തിരൂരങ്ങാടിയിൽ മയക്കുമരുന്നുമായി രണ്ട് യുവാക്കൾ പോലീസിന്റെ പിടിയിൽ
പ്രതീകാത്മക ചിത്രം
തിരൂരങ്ങാടി : മാരക മയക്കുമരുന്ന് ഇനത്തിൽപ്പെട്ട എം.ഡി.എം.എ യുമായി രണ്ട് യുവാക്കളെ തിരൂരങ്ങാടി പോലീസ് പിടികൂടി.
കോഴിച്ചെന ചെട്ടിയാംകിണർ ക്ലാരി ചെറ്റാലി ഫൈറൂസ് (24), മമ്പുറം വലിയപറമ്പ് അഴുവളപ്പിൽ ജിഷ്ണു (24) എന്നിവരെയാണ് പൊലീസ് പിടികൂടിയത്.
ഇവരിൽ നിന്ന് 58 ഗ്രാം എം.ഡി.എം.എയും 6 ഗ്രാം കഞ്ചാവും പിടികൂടി. വില്പന നടത്തിയ 3150 രൂപയും പോലീസ് കണ്ടെടുത്തു. തലപ്പാറ ലക്ഷോറ ബാറിന് സമീപത്ത് നിന്നാണ് ഇരുവരും പിടിയിലായത്.
മയക്കുമരുന്ന് വിൽപ്പന നടത്തുന്നുണ്ടെന്ന രഹസ്യവിവരത്തിന്റെ അടിസ്ഥാനനത്തിൽ പുലർച്ചെ 5.45 ഓടെ എസ്.ഐ. ബിജുവിന്റെ നേതൃത്വത്തിലുള്ള പോലീസ് സംഘം നടത്തിയ പരിശോധനനയിലാണ് ഇരുവരും പിടിയിലായത്.
ഇവരെ കോടതിയിൽ ഹാജരാക്കി.
