യെമന് പൗരനെ കൊലപ്പെടുത്തിയ കേസ്; നിമിഷ പ്രിയയുടെ അപ്പീല് തള്ളി; വധശിക്ഷ ശരിവെച്ച് കോടതി
യെമന് പൗരനെ കൊലപ്പെടുത്തിയ കേസില് നിമിഷപ്രിയയുടെ വധശിക്ഷ ശരിവച്ച് അപ്പീല് കോടതി. പാലക്കാട് കൊല്ലങ്കോട് സ്വദേശിനിയായ നിമിഷയെ യമന് പൗരന് തലാല് അബ്ദു മഹ്ദിയെ കൊലപ്പെടുത്തിയ കേസിലാണ് കോടതി വധശിക്ഷ വിധിച്ചത്.
സനയിലെ അപ്പീൽ കോടതിയാണ് വധശിക്ഷ ശരിവെച്ചത്. ഇനി നിമിഷ പ്രിയക്ക് അപ്പീൽ നൽകാനാവില്ല. അതേസമയം സുപ്രീം കോടതിയില് അപ്പീല് നല്കാമെങ്കിലും ശിക്ഷയില് ഇളവ് ലഭിക്കാന് സാധ്യതയില്ല. ഇന്ത്യന് എംബസിയുടെയും സാമൂഹിക പ്രവര്ത്തകരുടെയും സഹായത്തോടെയാണ് നിമിഷ പ്രിയ അപ്പീല് കോടതിയെ സമീപിച്ചത്.
2017 ജൂലൈയിലായിരുന്നു കേസിന് ആസ്പദമായ സംഭവം. തുടര്ച്ചയായ പീഡനം സഹിക്കാന് കഴിയാതെ യമനി പൗരനായ തലാല് അബ്ദു മെഹ്ദിയെ കൊലപ്പെടുത്തി മൃതദേഹം വാട്ടര് ടാങ്കില് ഒളിപ്പിച്ചെന്നാണ് നിമിഷയ്ക്ക് എതിരായ കേസ്.
യമനിൽ നഴ്സായി ജോലി ചെയ്യുന്നതിനിടെ സ്വന്തമായി ക്ലിനിക് തുടങ്ങാൻ സഹായ വാഗ്ദാനവുമായി വന്ന തലാൽ പാസ്പോർട്ട് പിടിച്ചെടുത്ത് നടത്തിയ ക്രൂര പീഡനമാണ് കൊലപാതകത്തിലേക്ക് നയിച്ചത് എന്നാണ് നിമിഷയുടെ വാദം. തലാലിന് അമിത ഡോസ് മരുന്നു കുത്തിവച്ചാണ് കൊലപ്പെടുത്തിയത്.
