കോട്ടക്കല്‍ പൂത്തൂരില്‍ നിന്ന് 123 കിലോഗ്രാം കഞ്ചാവ് പിടികൂടി: പ്രതികള്‍ക്കായി അന്വേഷണം തുടങ്ങി
കോട്ടക്കല്‍: എക്്‌സൈസ് സ്‌പെഷ്യല്‍ സ്‌ക്വാഡും പരപ്പനങ്ങാടി എക്‌സൈസ് റേഞ്ച് ഓഫീസും സംയുക്തമായി നടത്തിയ പരിശോധനയില്‍ 123 കിലോഗ്രാം കഞ്ചാവ് പിടികൂടി. കോട്ടക്കല്‍ പുത്തൂരിലെ വാടക കെട്ടിടത്തില്‍ നിന്നാണ് കഞ്ചാവ് പിടികൂടിയത്.
ഓണം സ്‌പെഷ്യല്‍ ഡ്രൈവിന്റെയും ഓപ്പറേഷന്‍ ലോക്ക് ഡൗണിന്റെയും ഭാഗമായി എക്‌സൈസിന്റെ പരിശോധന കര്‍ശനമാക്കിയിരുന്നു. മുമ്പ് എക്‌സൈസ് പിടികൂടിയ കേസിലെ പ്രതികളുടെ മൊഴിയുടെ അടിസ്ഥാനത്തില്‍ ആഴ്ചകളോളം നിരീക്ഷിച്ചശേഷമായിരുന്നു നടപടി.
കെട്ടിട ഉടമയായ മണ്ടായാപുറം റാഫിയും മൂട്ടുപഞ്ഞി മൂസയും ആന്ദ്രപ്രദേശില്‍നിന്നും കൊണ്ടുവന്ന് ശേഖരിച്ചുവച്ച കഞ്ചാവ് രഹസ്യവിവരത്തെ തുടര്‍ന്ന് പിടികൂടുകയായിരുന്നു. കേസുമായി ബന്ധപ്പെട്ട് കൂടുതല്‍ അന്വേഷണം നടക്കുന്നതായും പ്രതികളെ ഉടന്‍ തന്നെ അറസ്റ്റു ചെയ്യുമെന്നും സ്‌പെഷ്യല്‍ സ്‌ക്വാഡ ് സര്‍ക്കിള്‍ ഇന്‍സ്‌പെക്ടര്‍ ടി അനില്‍കുമാര്‍ വ്യക്തമാക്കി
സ്റ്റേറ്റ് എക്‌സൈസ് സ്‌പെഷ്യല്‍ സ്‌ക്വാഡിലെ സര്‍ക്കിള്‍ ഇന്‍സ്‌പെക്ടര്‍മാരായ ടി അനില്‍കുമാര്‍, ജീ കൃഷ്ണകുമാര്‍, എക്‌സൈസ് ഇന്‍സ്‌പെക്ടര്‍ മുകേഷ് കുമാര്‍ ടി ആര്‍ അസിസ്റ്റന്റ് എക്‌സൈസ് ഇന്‍സ്‌പെക്ടര്‍ മധുസൂദനന്‍ നായര്‍ പരപ്പനങ്ങാടി എക്‌സൈസ് ഇന്‍സ്‌പെക്ടര്‍ ആര്‍ സാബു ചന്ദ്ര, പ്രിവന്റീവ് ഓഫീസര്‍മാരായ ടി പ്രജോഷ് കുമാര്‍, കെ പദീപ്കുമാര്‍, മുസ്തഫ ചോലയില്‍,സിവില്‍ എക്‌സൈസ് ഓഫീസര്‍മാരായ മുഹമ്മദാലി, സുബിന്‍ പി, ഷംനാദ് എസ്, രാജേഷ് ആര്‍, അഖില്‍, ബസന്ത്, വിനീഷ് പി ബി, ജയകൃഷ്ണന്‍ എ, വനിത സിവില്‍ എക്‌സൈസ് ഓഫീസര്‍ പിഎം ലിഷ തുടങ്ങിയവരുടെ നേത്യത്വത്തിലായിരുന്നു പരിശോധന
