വാഹന പരിശോധനക്കിടെ എംവിഡി ഉദ്യോഗസ്ഥനെ കാറിടിച്ച് അപായപ്പെടുത്താൻ ശ്രമം

റോഡിലൂടെ പോവുകയായിരുന്ന യാത്രക്കാരിലൊരാൾ എടുത്ത ദൃശ്യവും പുറത്തുവന്നു. മോഡിഫൈ ചെയ്ത വാഹനത്തിന്റെ രജിസ്ട്രേഷൻ കാലാവധികഴിഞ്ഞതാണ്.

തിരൂർ കൊടക്കൽ ഭാഗത്ത് വെച്ച് ഉദ്യോഗസ്ഥർ ആദ്യം കൈ കാണിച്ചെങ്കിലും കാർ നിർത്തിയില്ല.

പിന്നീട് തിരൂർ പാറവണ്ണ ഭാഗത്ത് വെച്ച് വീണ്ടും കാർ കണ്ടെത്തി. ഇവിടെ വെച്ചാണ് എംവിഡി ഉദ്യോഗസ്ഥനെ ഇടിക്കാൻ ശ്രമിച്ചത്. വാഹനം കണ്ടെത്താനുള്ള ശ്രമം തുടരുകയാണെന്ന് എംവിഡി ഉദ്യോഗസ്ഥർ അറിയിച്ചു. എംവിഡി ഉദ്യോഗസ്ഥൻ കാറിന്റെ വശത്തായിരുന്നതിനാലാണ് അപകടത്തിൽപെടാതെ രക്ഷപ്പെട്ടത്.