വള്ളിക്കുന്നിൽ അജ്ഞാത യുവതി ട്രെയിൻതട്ടി മരിച്ച നിലയിൽ.
വള്ളിക്കുന്നിൽ യുവതിയെ ട്രെയിൻതട്ടി മരിച്ച നിലയിൽ കണ്ടെത്തി. റെയിൽവേ സ്റ്റേഷന് അടുത്ത് ഇന്ന് (ചൊവ്വ) പുലർച്ചെ 4:30 ഓടെ ആണ് സംഭവം.
ആളെ തിരിച്ചറിഞ്ഞിട്ടില്ല. ഏകദേശം 20വയസ്സ് പ്രായം തോന്നിക്കുന്ന യുവതി വെള്ളകളർ പാന്റും. ചുവപ്പും കറുപ്പും കലർന്ന കള്ളി ഷർട്ടുമാണ് ധരിച്ചിരിക്കുന്നത്.
അപകട വിവരമറിഞ്ഞെത്തിയ പരപ്പനങ്ങാടി എസ്.ഐ. ജയദേവൻ, റെയിൽവേ ഓഫിസർ പ്രമോദ്, പരപ്പനങ്ങാടി ട്രോമാ കെയർ പ്രവർത്തകരായ എൻ.പി. നൗഫൽ വള്ളിക്കുന്ന്, ഗഫൂർ തമ്മന്ന, റാഫി ചെട്ടിപ്പടി, റിയാസ് പുത്തിരിക്കൽ എന്നിവർ ചേർന്ന് മൃതദേഹം തിരൂരങ്ങാടി താലൂക്ക് ആശുപത്രി മോർച്ചറിയിലേക്ക് മാറ്റി.
