കരടിയുടെ ആക്രമണം; യുവതിക്ക് ഗുരുതര പരിക്ക്
വാല്‍പാറയില്‍ കരടിയുടെ ആക്രമണത്തില്‍ തോട്ടം തൊഴിലാളിയായ യുവതിക്ക് ഗുരുതര പരിക്ക്. ഇഞ്ചിപ്പാറ എസ്റ്റേറ്റിലെ തൊഴിലാളിയും ജാര്‍ഖണ്ഡ് സ്വദേശിനിയുമായ സബിതയ്ക്കാണ് പരിക്കേറ്റത്.
രാവിലെ അഞ്ചരയോടെ വീടിന് പുറത്തേക്ക് ഇറങ്ങിയ സബിതയുടെ മേല്‍ കരടി ചാടി വീഴുകയായിരുന്നു. കൈയിലും കാലിലും ഗുരുതരമായി പരുക്കേറ്റ യുവതിയെ വാല്‍പാറയിലെ സര്‍ക്കാര്‍ ആശുപത്രിയിലും തുടര്‍ന്ന് പൊള്ളാച്ചിയിലേക്കും മാറ്റി.
