പരപ്പനങ്ങാടിയിൽ മൂന്നു ഡിവിഷനുകളിൽ ലീഗിന് രണ്ട് സ്ഥാനാർത്ഥികൾ
പരപ്പനങ്ങാടി : പരപ്പനങ്ങാടി നഗരസഭയിൽ മൂന്നു ഡിവിഷനുകളിൽ ലീഗിന് രണ്ട് സ്ഥാനാർത്ഥികൾ.
ഡിവിഷൻ 20- പാലത്തിങ്ങൽ, 21- കീരനല്ലൂർ, 22 കൊട്ടന്തല എന്നീ മൂന്ന് ഡിവിഷനുകളിലാണ് നേരത്തെ നിശ്ചയിച്ച സ്ഥാനാർത്ഥിക്ക് പുറമേ ലീഗിൻറെ ഓരോ വിമത സ്ഥാനാർത്ഥികൾ നിലവിലുള്ളത്.
ഡിവിഷൻ 20 ൽ മുൻ കൗൺസിലർ എ വി ഹസ്സൻകോയയുടെ മരുമകളാണ്.
21 ൽ മുൻ കൗൺസിലർ അസീസ് കൂളത്തിന്റെ ഭാര്യയാണ് ലീഗിൻ്റെ വിമത.
ഡിവിഷൻ 22 ൽ കെഎംസിസി നേതാവിന്റെ മരുമകളാണ് വിമത സ്ഥാനാർത്ഥി.
ഇന്നലെ വൈകിട്ട് മൂന്നുമണി വരെയായിരുന്നു പിൻവലിക്കേണ്ട സമയം. ഡമ്മിയായി പത്രി നൽകിയവർ പത്രിക പിൻവലിച്ചെങ്കിലും മൂന്ന് ഡിവിഷനുകളിലുള്ള മൂന്ന് ലീഗ് വിമതർ പിൻവലിച്ചിട്ടില്ല.
ഒരേ ഡിവിഷനിൽ ലീഗിൻറെ രണ്ടു സ്ഥാനാർത്ഥികൾ വന്നതിൽ അണികൾക്കിടയിൽ അതൃപ്തിയുണ്ട്.
