ഉംറക്ക് പോയ തലപ്പാറ സ്വദേശി മദീനയിൽ മരിച്ചു

തിരൂരങ്ങാടി : എ ആർ നഗർ  തലപ്പാറ വലിയ പറമ്പ് പള്ളിക്ക് പിറക് വശം താമസിക്കുന്ന മുഖം വീട്ടിൽ എം വി സിദ്ദീഖിന്റെ ഭാര്യ മാനം കുളങ്ങര സീനത്ത് (44) മദീനയിൽ നിര്യാതയായി . കഴിഞ്ഞ 13 ന് സഹോദരിക്കും മറ്റു ബന്ധുക്കൾക്കുമൊപ്പം ഉംറക്ക് പോയതായിരുന്നു.

ഇന്നലെ തിരിച്ചു വരേണ്ടതായിരുന്നു. ഉംറ കഴിഞ്ഞു മക്കയിൽ നിന്ന് മദീനയിലേക്ക് മടങ്ങിയ ശേഷം നാലു ദിവസം മുമ്പ് പനി ബാധിച്ചതിനെ തുടർന്ന് ചികിത്സയിലായിരുന്നു. രോഗം ഗുരുതരമായതിനെ തുടർന്ന് ഭർത്താവ് നാട്ടിൽ നിന്ന് മദീനയിലേക്ക് പോയിരുന്നു. ഇന്നലെ ഉച്ചയോടെയാണ് മരിച്ചത്. ഇവർ പോയ ഉംറ സംഘം ഇന്നലെ തിരിച്ചെത്തി.
മക്കൾ: സിതാര ഫാബി, ഫവാസ്.  മരുമകൻ: മൊയ്ദീൻ എന്ന ശാം (ഇരുമ്പുചോല)