പരപ്പനങ്ങാടിയിൽ പുഴയിൽ കുളിക്കാനിറങ്ങിയ വിദ്യാർത്ഥികൾ ഒഴുക്കിൽപ്പെട്ടു. ഒരാൾ മരിച്ചു.

പരപ്പനങ്ങാടി : പുഴയിൽ കുളിക്കാനിറങ്ങിയ വിദ്യാർത്ഥികൾ ഒഴുക്കിൽപ്പെട്ടു. ഒരാൾ മരിച്ചു. ചിറമംഗലം അറ്റത്തങ്ങാടിൽ ഞായറാഴ്ച രാവിലെ 11 മണിയോടെയാണ് സംഭവം.

തിരിച്ചിലങ്ങാടി സ്വദേശി ചേക്കുമരക്കാരകത്ത് സൈതലവിയുടെ മകൻ ഹാശിർ (17) ആണ് മരിച്ചത്.

കൂടെയുണ്ടായിരുന്ന അക്ബറിനെ (15) രക്ഷപ്പെടുത്തി. ഒഴുക്കിൽപ്പെട്ട കുട്ടികളെ ഉടൻ നാട്ടുകാർ തിരൂരങ്ങാടി താലൂക്ക് ആശുപത്രിയിൽ എത്തിച്ചെങ്കിലും ഹാശിർ മരണപ്പെട്ടിരിന്നു.

രക്ഷപ്പെടുത്തിയ അക്ബറിനെ തുടർ ചികിത്സക്ക് വേണ്ടി കോഴിക്കോട് മെഡിക്കൽ കോളേജിലേക്ക് മാറ്റി. ഏഴു കുട്ടികൾ അടങ്ങുന്ന സംഘമാണ് കുളിക്കാൻ പോയിരുന്നത്. ഇവരിൽ രണ്ടുകുട്ടികളാണ് ഒഴുക്കിൽപെട്ടത്.

മരിച്ച ഹാശിറിന്റെ മാതാവ്: ഫൗസിയ.

സഹോദരങ്ങള്‍: സഫ ഹാഷ്മി, ഷിഫ.