പരപ്പനങ്ങാടി പുത്തരിക്കലിൽ ഭർത്താവ് ഭാര്യയെ വെട്ടി പരിക്കേൽപ്പിച്ചു.
പ്രതീകാത്മക ചിത്രം
റിപ്പോർട്ട് : ഹമീദ് പരപ്പനങ്ങാടി
പരപ്പനങ്ങാടി : ഭർത്താവ് ഭാര്യയെ വെട്ടി പരിക്കേൽപ്പിച്ചു. പുത്തരിക്കൽ സ്വകാര്യ ആശുപത്രിക്ക് സമീപം പുത്തരിക്കൽ പൊട്ടിക്കുളത്ത് അരുൺ – (36) ആണ് ഭാര്യ മേഘ്നയെ വെട്ടി പരിക്കേൽപ്പിച്ചത്.
ഇന്ന് (വ്യാഴാഴ്ച വൈകീട്ട് ആറു മണിയോടടുത്താണ് സംഭവം.
ഇവർ തമ്മിൽ തെറ്റി പിരിഞ്ഞിരിക്കുകയായിരുന്നു.
ഇവരുടെ കുട്ടികളെ കാണാൻ ഭർത്താവിൻ്റെ വീട്ടിലെത്തിയതായിരുന്നു മേഘ്ന. കുട്ടികളെ കാണാൻ ഭർത്താവ് സമ്മതിക്കാത്തതിനെ തുടർന്ന് വാക്കേറ്റമുണ്ടാവുകയും ഭർത്താവ് വീട്ടിലെ വെട്ട് കത്തി ഉപയോഗിച്ച് വെട്ടുകയുമായിരുന്നെന്ന് പോലീസ് പറഞ്ഞു.
ഭർത്താവിനെ പരപ്പനങ്ങാടി പോലീസ് കസ്റ്റഡിയിലെടുത്തു. പരിക്കേറ്റ യുവതിയെ ആശുപത്രിയിൽ പ്രവേശിപ്പിച്ചു.
