പരപ്പനങ്ങാടിയിൽ നിന്നും കടലിൽ പോയ വള്ളം അപകടത്തിൽപ്പെട്ടു ; മൂന്ന് പേർ ആശുപത്രിയിൽ
റിപ്പോർട്ട് : ഹമീദ് പരപ്പനങ്ങാടി
പരപ്പനങ്ങാടി : പരപ്പനങ്ങാടിയിൽ കടലിൽ പോയ വള്ളം മറിഞ്ഞ് അപകടം.
ആനങ്ങാടിയിൽ നിന്നും കടലിൽ പോയ ‘അൽഹുദാ’ വള്ളമാണ് അപകടത്തിൽപ്പെട്ടത്.
ശക്തമായ തിരമാലയിൽ ആടിയുലഞ്ഞ് പരപ്പനങ്ങാടി സദ്ധാംബീച്ച് പടിഞ്ഞാറ് ഭാഗത്ത് മറിയുകയായിരുന്നു. ബുധനാഴ്ച ഉച്ചയോടെയാണ് സംഭവം.
വള്ളത്തിൽ ഉണ്ടായിരുന്ന ഇരുപത് പേരെ രക്ഷപ്പെടുത്തി. ആനങ്ങാടി സ്വദേശികളായ കിഴക്കന്റെ പുരക്കൽ ഫവാസ് (23), ടി.പി. തൻസീർ (21) കോട്ടക്കണ്ടി അബ്ദുൽ ഖാദർ (45)എന്നിവർക്കാണ് പരിക്കേറ്റത്.
പരപ്പനങ്ങാടിയിൽ നിന്നെത്തിയ മത്സ്യബന്ധന വള്ളങ്ങളും ബോട്ടുകളും എത്തിയാണ് ഇവരെ കരക്കെത്തിച്ചത്.
പരിക്കേറ്റവരെ പരപ്പനങ്ങാടിയിലെയും കോട്ടക്കലിലേയും സ്വകാര്യ ആശുപത്രിയിൽ പ്രവേശിപ്പിച്ചു.
