NEWS ONE KERALA

ന്യൂസ് വൺ കേരള: news one kerala: Malayalam Online News Portal – Latest Malayalam New : (മലയാളം വാർത്ത)

റോഡരികില്‍ നിന്നവര്‍ക്കിടയിലേക്ക് ബസ് ഇടിച്ചു കയറി; 5 മരണം

കാസർകോട് : കേരള – കർണാടക അതിർത്തിയായ തലപ്പാടിയിൽ കർണാടക ആർ.ടി.സി ബസ് നിയന്ത്രണം വിട്ടു റോഡരികിൽ നിന്നവരെ ഇടിച്ചു തെറിപ്പിച്ചു. അപകടത്തിൽ ഒരു കുടുംബത്തിലെ അഞ്ചു പേർ മരിച്ചു. രണ്ടു പേരുടെ നില ഗുരുതരം.

 

കാസർഗോഡ് നിന്ന് മംഗലാപുരത്തേക്ക് പോവുകയായിരുന്ന ബസിന്റെ ബ്രേക്ക് പോയതാണ് അപകട കാരണം. അമിതവേഗത്തിലെത്തിയ ബസ്, കാത്തിരിപ്പു കേന്ദ്രത്തിലേക്കു പാഞ്ഞുകയറുകയായിരുന്നു. സമീപത്തുണ്ടായിരുന്ന ഓട്ടോയിലും ബസ് ഇടിച്ചു.
ഓട്ടോ റിക്ഷയും ബസും കാത്ത് നിന്നവർക്കിടയിലേക്കാണ് ഇടിച്ചു കയറിയത്. അപകടത്തിൽ ഓട്ടോ പൂർണമായും തകർന്നു.

 

ഓട്ടോയിലുള്ളവരാണ് മരിച്ചതെന്ന് പ്രാഥമിക വിവരമെന്ന് എകെഎം അഷ്റഫ് എംഎൽഎ പറഞ്ഞു. മരിച്ചത് 3 സ്ത്രീകളും ഒരു കുട്ടിയും ഓട്ടോ ഡ്രൈവറുമെന്ന് ദൃക്സാക്ഷി പറഞ്ഞു. കുട്ടിക്ക് 10 വയസുണ്ട്. ബസ് കാത്തുനിന്നവർക്ക് പരുക്കേറ്റു. മരിച്ചവരിൽ നാലുപേർ കർണാടക സ്വദേശികളും ഒരാൾ തലപ്പാടി സ്വദേശിയുമാണ്.

Leave a Reply

Your email address will not be published. Required fields are marked *