പരപ്പനങ്ങാടിയിൽ ഇൻസ്റ്റഗ്രാമിലൂടെ പരിചയപ്പെട്ട പെൺകുട്ടിയുടെ വീട്ടിൽ അതിക്രമിച്ച് കയറി ലൈംഗികാതിക്രമം നടത്തി: യുവാവ് അറസ്റ്റിൽ.
പരപ്പനങ്ങാടി : ഇൻസ്റ്റഗ്രാമിലൂടെ പരിചയപ്പെട്ട പരപ്പനങ്ങാടി സ്വദേശിയായ 17 കാരിയുടെ വീട്ടിൽ അതിക്രമിച്ച് കയറി ലൈംഗികാതിക്രമം നടത്തിയ യുവാവിനെ പോലീസ് അറസ്റ്റ് ചെയ്തു.
പരപ്പനങ്ങാടി – ഫറോക് റൂട്ടിൽ ഓടുന്ന ബസിലെ കണ്ടക്ടർ ചേളാരി സ്വദേശി അഫ്സലിനെയാണ് പരപ്പനങ്ങാടി പോലീസ് അറസ്റ്റ് ചെയ്തത്.
ഇയാൾക്ക് മോഷണ കേസുകൾ ഉൾപ്പെടെ നിരവധി കേസുകൾ നിലവിലുണ്ടെന്ന് പോലീസ് പറഞ്ഞു.
പരപ്പനങ്ങാടി സി.ഐ. പി സഞ്ജു ജോസഫ്, എസ്.ഐ. മുഹമ്മദ് റഫീഖ്, എ.എസ്.ഐ റീന, എസ്.സി.പി.ഒ. സതീഷ് തുടങ്ങിയവരുടെ നേതൃത്വത്തിലാണ്
പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
