പരപ്പനങ്ങാടി റെയിൽവേ ട്രാക്കിൽ വയോധികനെ മരിച്ച നിലയിൽ കണ്ടെത്തി

പരപ്പനങ്ങാടി റെയിൽവേ ട്രാക്കിൽ വയോധികനെ മരിച്ച നിലയിൽ കണ്ടെത്തി.

കൊല്ലം സ്വദേശിയും പരപ്പനങ്ങാടിയിൽ താമസക്കാരനുമായ പട്ടണത്തിൽ വീട്ടിൽ ഇസ്മായിൽ റാവുത്തർ (70) ആണ് മരിച്ചത്.

മകൾ പരപ്പനങ്ങാടിയിൽ സ്വകാര്യ ആശുപത്രിയിൽ ജീവനക്കാരിയാണ്. ഇവരോടൊപ്പമാണ് താമസം. ഇന്ന് വൈകുന്നേരമാണ് പാളത്തിനരികിൽ മരിച്ച നിലയിൽ കാണപ്പെട്ടത്.

മൃതദേഹം തിരൂരങ്ങാടി താലൂക്ക് ആശുപത്രി മോർച്ചറിയിലേക്ക് മാറ്റി.