പെരുവള്ളൂരിൽ പത്താംക്ലാസ് വിദ്യാർത്ഥി കുളത്തിൽ മുങ്ങി മരിച്ചു.
പെരുവള്ളൂരിൽ വിദ്യാർത്ഥി കുളത്തിൽ മുങ്ങി മരിച്ചു. കൊല്ലൻചിന സ്വദേശി നമ്പംകുന്നത്ത് അയൂബിന്റെ മകൻ മുഹമ്മദ് നിഹാൽ ആണ് മരിച്ചത്.
ഇന്ന് വൈകീട്ട് ആറ് മണിയോടെ കെ.കെ പടിക്കടുത്തുള്ള വെട്ടുത്തോടുള്ള കുളക്കരയിൽ ചെരിപ്പും സ്കൂൾ ബാഗും കണ്ടതിനെ തുടർന്ന് നാട്ടുകാർ നടത്തിയ തിരച്ചിലിലാണ് മൃതദേഹം കണ്ടെത്തിയത്.
സ്കൂൾ വിട്ട് എത്തുന്ന സമയം കഴിഞ്ഞിട്ടും നിഹാൽ എത്താതിരുന്നതിനാൽ ബന്ധുക്കൾ ഇതിനിടെ അന്വേഷണം തുടങ്ങിയിരുന്നു. പെരുവള്ളൂർ ഹൈസ്കൂൾ പത്താം ക്ലാസ് വിദ്യാർത്ഥിയാണ് നിഹാൽ.
സ്കൂളിൽ നിന്ന് വീട്ടിലേക്കുള്ള കുറുക്കു വഴിയിലാണ് അപകടമുണ്ടായ കുളം. വീട്ടിലേക്ക് പോകുന്നതിനിടെ കുളിക്കാനിറങ്ങിയതാകുമെന്നാണ് കരുതുന്നത്. മൃതദേഹം തിരൂരങ്ങാടി താലൂക്കാശുപത്രി മോർച്ചറിയിൽ ബുധനാഴ്ച പോസ്റ്റ്മോർട്ടം നടത്തി മൃതദേഹം ബന്ധുക്കൾക്ക് വിട്ട് നൽകും.
