കുളിച്ചവര്‍ക്ക് എലിപ്പനി, സിൽവര്‍‌സ്റ്റോം വാട്ടര്‍ തീംപാര്‍ക്ക് അടച്ചുപൂട്ടി.
അതിരപ്പിള്ളിയിലെ സില്‍വര്‍സ്‌റ്റോം വാട്ടര്‍ തീം പാര്‍ക്ക് അടിച്ചിടാന്‍ ആരോഗ്യമന്ത്രി വീണാ ജോര്‍ജ്ജ് നിര്‍ദേശം നല്‍കി. പാര്‍ക്കിള്‍ കുളിച്ച വിദ്യാര്‍ത്ഥികള്‍ക്ക് എലിപ്പനി സ്ഥീരീകരിച്ചതിനെ തുടര്‍ന്നായിരുന്നു പാര്‍ക്ക് അടച്ചിടാന്‍ നിര്‍ദേശം നല്‍കിയത്.
എറണാകുളത്ത് നിന്നും വിനോദയാത്രക്ക് വന്ന രണ്ട് പേര്‍ക്കാണ് എലിപ്പനി സ്ഥിരീകരിച്ചത്. ഇതേ തുടര്‍ന്ന് അതിരപ്പള്ളി സില്‍വര്‍ സ്റ്റോം വാട്ടര്‍ തീം പാര്‍ക്കില്‍ ആരോഗ്യവിഭാഗം പരിശോധന നടത്തിയിരുന്നു. വാട്ടര്‍ തീം പാര്‍ക്കിലെ വെളളത്തിന്റെ സാംപിള്‍ ശേഖരി്ച്ചിരുന്നു. എവിടെ നിന്നാണ് എലിപ്പനി ഉണ്ടായെതെന്ന് കണ്ടെത്തുക ബുദ്ധിമുട്ടാനണെന്നാണ് ആരോഗ്യ വിഭാഗം പറയുന്നത്.
പതിനേഴാം തീയതിക്ക് ശേഷം അതിരപ്പിള്ളി സില്‍വര്‍ സ്റ്റോം വാട്ടര്‍ തീം പാര്‍ക്ക് സന്ദര്‍ശിച്ചവരുടെ വിവരങ്ങള്‍ ശേഖരിക്കാന്‍ ആരോഗ്യ വകുപ്പ് നടപടി തുടങ്ങിയിട്ടുണ്ട്. ഗൂഗിള്‍ ഫോം വഴിയാണ് സന്ദര്‍ശകരുടെ വിവരങ്ങളെടുക്കുക. സംഭവത്തില്‍ ഡിഎംഒ റിപ്പോര്‍ട്ട് തേടുകയും ചെയ്തിരുന്നു.
