തിരൂര്‍ ബി.പി. അങ്ങാടിയില്‍ കണ്ടെയ്‌നര്‍ ലോറി സ്‌കൂട്ടറില്‍ ഇടിച്ച് അധ്യാപിക മരിച്ചു.
തിരൂര്‍ ബി.പി. അങ്ങാടിയില്‍ കണ്ടെയ്‌നര്‍ ലോറി സ്‌കൂട്ടറില്‍ ഇടിച്ച് അധ്യാപിക മരിച്ചു. തിരൂര്‍ ബോയ്‌സ് സ്‌കൂളിലെ യുപി വിഭാഗം അധ്യാപിക ജയലതയാണ് മരിച്ചത്.
ആലത്തിയൂര്‍ പൊയിലിശേരി സ്വദേശിയാണ്. ഇന്നലെ (തിങ്കൾ) വൈകുന്നേരം 4 .30 ഓടെ തിരൂര്‍ ബി.പി. അങ്ങാടിയിലാണ് സംഭവം.
സ്‌കൂളില്‍നിന്ന് മീറ്റിംഗ് കഴിഞ്ഞ് മടങ്ങിയ അധ്യാപികമാരാണ് അപകടത്തില്‍പ്പെട്ടത്. കൂടെയുണ്ടായിരുന്ന മറ്റൊരു അധ്യാപികക്കും സാരമായി പരിക്കേറ്റു.
ഇവര്‍ സഞ്ചരിച്ചിരുന്ന സ്‌കൂട്ടറില്‍ കണ്ടെയ്‌നര്‍ ലോറി ഇടിക്കുകയായിരുന്നു .തുടര്‍ന്ന് റോഡിലേക്ക് തെറിച്ചുവീണ ജയലതയുടെ ദേഹത്തുകൂടി ലോറിയുടെ പിന്‍ചക്രം കയറിയിറങ്ങി .
അപകടം സംഭവിച്ച ഉടന്‍ തന്നെ ആശുപത്രിയിലെത്തിച്ചെങ്കിലും മരണം സംഭവിക്കുകയായിരുന്നു. മൃതദേഹം തിരൂര്‍ ജില്ലാ ആശുപത്രി മോര്‍ച്ചറിയിലേക്ക് മാറ്റി.
