തിരൂരിൽ രണ്ടുകുട്ടികൾ വീടിന് സമീപത്തെ കുളത്തിൽ വീണുമരിച്ചു.
പ്രതീകാത്മക ചിത്രം
തിരൂരിൽ രണ്ടുകുട്ടികൾ കുളത്തിൽ വീണുമരിച്ചു. രണ്ടും മൂന്നും വയസുള്ള കുട്ടികളാണ് വീടിനു സമീപത്തെ കുളത്തിൽ വീണ് മുങ്ങി മരിച്ചത്.
ഇന്ന് ഉച്ചയ്ക്ക് മൂന്നരയോടെയാണ് സംഭവം. തിരൂരിനടുത്ത് ത്രിക്കണ്ടിയൂർ എൽ.ഐ.സി.ക്ക് പിന്നിൽ കാവുങ്ങൽ പറമ്പിൽ നൗഷാദ് – രജില ദമ്പദികളുടെ മകൻ അമൻ, പറപ്പുറത്ത് ഇല്ലത്തുപറമ്പിൽ റഷീദ് – റഹിയാനത്ത് ദമ്പദികളുടെ മകൾ ഫാത്തിമ റിയ എന്നിവരാണ് മരിച്ചത്.
മുറ്റത്ത് കളിച്ചുകൊണ്ടിരുന്ന കുട്ടികളെ കാണാതായതോടെ നടത്തിയ അന്വേഷണത്തിലാണ് വീടിന് സമീപത്തെ കുളത്തിൽ കുട്ടികളുടെ മൃതദേഹം കണ്ടെത്തിയത്.
