കുണ്ടൂർ ഉസ്താദ് ഉറൂസിന് ശനിയാഴ്ച തുടക്കമാകും
തിരൂരങ്ങാടി : കുണ്ടൂർ അബ്ദുൽ ഖാദിർ മുസ്ലിയാർ 17 > മത് ഉറൂസ് മുബാറകിന് നാളെ ( ശനി) കൊടിയേറുമെന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു. നാളെ തുടങ്ങി ആറ് ദിവസങ്ങളിലായി നടക്കുന്ന ഉറൂസ് മുബാറക് 29 ന് സമാപിക്കും.
നാളെ വൈകുന്നേരം അഞ്ചിന് സമസ്ത കേരള ജംഇയ്യതുൽ ഉലമ പ്രസിഡന്റ് ഇ. സുലൈമാൻ മുസ്ലിയാർ കൊടി ഉയർത്തുന്നതോടെ ഉറൂസിന് തുടക്കമാകും. തുടർന്ന് നടക്കുന്ന കൂട്ട സിയാറത്തിന് സമസ്ത ട്രഷറർ കോട്ടൂർ കുഞ്ഞമ്മു മുസ്ലിയാർ നേതൃത്വം നൽകും.
വൈകീട്ട് ഏഴിന് നടക്കുന്ന പ്രാരംഭ സമ്മേളനം സമസ്ത കേരള ജംഇയ്യതുൽ ഉലമ സെക്രട്ടറി പൊന്മള അബ്ദുൽ ഖാദിർ മസ്ലിയാർ ഉദ്ഘാടനം ചെയ്യും.
കേരള മുസ്ലിം ജമാഅത് സംസ്ഥാന സെക്രട്ടറി വണ്ടൂർ അബ്ദുർറഹ്മാൻ ഫൈസി അധ്യക്ഷത വഹിക്കും.സയ്യിദ് ഹൈദ്രൂസ് മുത്തുക്കോയ തങ്ങൾ എളങ്കൂർ പ്രാരംഭ പ്രാർഥന നടത്തും. കൂറ്റമ്പാറ അബ്ദുർറഹ്മാൻ ദാരിമി, ഡോ: എ.പി. അബ്ദുൽ ഹകീം അസ്ഹരി, ഹാഫിള് അബ്ദുൽ മജീദ് അഹ്സനി പ്രസംഗിക്കും. തുടർന്ന് രിഫാഇ റാത്തീബ് , നശീദ എന്നിവ കോയ കാപ്പാടും സംഘവും അവതരിപ്പിക്കും.
മൂന്നിന് പ്രകീർത്തന വേദികളിലെ പ്രഗൽഭർ അണിനിരക്കുന്ന ഇശൽ പെയ്ത്ത് നടക്കും.
28 ന് വെെ നാലിന് നടക്കുന്ന ഉസ്താദിന്റെ സ്നേഹ ലോകത്തിന് സയ്യിദ് ഹബീബ് തുറാബ് തലപ്പാറ,അബൂബക്കർ സഖാഫി വെണ്ണക്കോട്, അബൂബക്കർ പടിക്കൽ, കീലത്ത് മുഹമ്മദ് മാസ്റ്റർ നേതൃത്വം നൽകും. ഏഴിന് നടക്കുന്ന പ്രകീർത്തന സന്ധ്യക്ക് ഓൾ കേരള ഖിസ്സപ്പാട്ട് അസോസിയേഷൻ നേതൃത്വം നൽകും, ശിഹാബുദ്ദീൻ ബുഖാരി ദുആ നിർവ്വഹിക്കും. ബശീർ ഫൈസി വെണ്ണക്കോട് നസ്വീഹത് നൽകും.
29 ന് വ്യാഴം രാവിലെ10 ന് നടക്കുന്ന മുതഅല്ലിം ക്യാമ്പ് അബ്ദുൽ ജലീൽ സഖാഫി ചെറുശോല ഉദ്ഘാടനം ചെയ്യും. സയ്യിദ് ശറഫുദ്ദീൻ ജമലുലൈലി ദുആ നടത്തും. അഹ്മദ് അബ്ദുല്ല അഹ്സനി ചെങ്ങാനി, എൻ എം സ്വാദിഖ് സഖാഫി പെരിന്താറ്റിരി വിവിധ സെഷനുകൾക്ക് നേതൃത്വം നൽകും.
ഹുബ്ബു റസൂൽ, സനദ്ദാന പ്രഭാഷണം ഇന്ത്യൻ ഗ്രാന്റ് മുഫ്തി കാന്തപുരം എ പി അബൂബക്കർ മുസ്ലിയാർ നിർവ്വഹിക്കും. സയ്യിദ് അലി ബാഫഖി ദുആ നിർവഹിക്കും. കേരള ഹജ്ജ്, വഖഫ്, കായിക വകുപ്പ് മന്ത്രി വി അബ്ദുർറഹ്മാൻ അഥിതിയായിരിക്കും. സയ്യിദ് ത്വാഹാ തങ്ങൾ, കെ വൈ നിസാമുദ്ദീൻ ഫാളിലി കൊല്ലം,എൻ വി അബ്ദുർറസാഖ് സഖാഫി വെള്ളി യാമ്പുറം പ്രസംഗിക്കും. കട്ടിപ്പാറ അഹ്മദ് കുട്ടി മുസ്ലിയാർ, ഹംസ മുസ്ലിയാർ മഞ്ഞപ്പറ്റ, വി പി എം ഫൈസി വില്യാപ്പള്ളി, പൊന്മള മൊയ്തീൻ കുട്ടി ബാഖവി, ഡോ.ഹുസൈൻ സഖാഫി ചുള്ളിക്കോട്, ചാലിയം അബ്ദുൽ കരീം ഹാജി, എം എൻ കുഞ്ഞമ്മദ് ഹാജി, നാസർ ഹാജി ഓമച്ചപ്പുഴ സംബന്ധിക്കും.
സമ്മേളനത്തിൽ ഗൗസിയ്യയിൽ നിന്ന് പഠനം പൂർത്തീകരിച്ച 37 പണ്ഡിതന്മാർക്ക് സനദ് ദാനവും പുതിയ ബിൽഡിംഗിന്റെ എം.ജി. അക്കാദമിയുടെ ഉദ്ഘാടനവും നടക്കും. തുടർന്ന് നടക്കുന്ന ബുർദ വാർഷികത്തോടെ ഉറൂസിന് സമാപ്തി കുറിക്കും.
ഉറൂസിനോടനുബന്ധിച്ച് ഒരു ലക്ഷം പേർക്ക് ഭക്ഷണ വിതണം നടക്കും. മഖാമിനു കീഴിൽ യതീംഖാനയും നിരവധി മസ്ജിദുകളും, ദർസുകളും ദഅവ കോളേജുകളും, ഹിഫ്ളു ഖുർആൻ കോളേജുകളും, പതിനാർ വർഷമായി റേഷൻ സംവിധാനവും പ്രവർത്തിച്ച് വരുന്നു.
