മട്ടന്നൂരിൽ സ്‌ഫോടക വസ്തു പൊട്ടിത്തെറിച്ച് ഒരാൾ മരിച്ചു.
മട്ടന്നൂർ: ചാവശ്ശേരി കാശിമുക്കില്‍ സ്‌ഫോടക വസ്തു പൊട്ടിത്തെറിച്ച് ഇതരസംസ്ഥാന തൊഴിലാളി മരിച്ചു. രണ്ട് പേര്‍ക്ക് പരിക്കേറ്റു. അസം സ്വദേശി ഫസൽ ആണ് മരിച്ചത്.
ഒപ്പമുണ്ടായിരുന്ന ഷുഹൈദുൽ എന്നയാളെ പരിക്കുകളോടെ ആശുപത്രിയിൽ പ്രവേശിപ്പിച്ചു. ആക്രിസാധനങ്ങൾ സൂക്ഷിച്ച സ്ഥലത്താണ് സ്ഫോടനം നടന്നത്. ബുധനാഴ്ച വൈകീട്ടോടെയായിരുന്നു സംഭവം.
ഇവർ താമസിച്ച പഴയ ഓട് പാകിയ വീട്ടിൽ ആക്രിസാധനങ്ങളും സൂക്ഷിച്ചിരുന്നു. മരിച്ചയാളും പരിക്കേറ്റയാളും അസം സ്വദേശികളാണ്. സംഭവ സ്ഥലത്ത് പൊലീസ് പരിശോധന നടത്തിവരികയാണ്.
