കാലവർഷം; 24 മണിക്കൂറിനിടെ ജില്ലയിൽ 38 വീടുകൾക്ക് നാശനഷ്ടം
പ്രതീകാത്മക ചിത്രം
കാലവർഷം കനത്തതിനെ തുടർന്ന് മലപ്പുറം ജില്ലയിൽ വീടുകൾക്ക് നാശനഷ്ടം റിപ്പോർട്ടു ചെയ്തു. കഴിഞ്ഞ 24 മണിക്കൂറിനിടെ ജില്ലയിൽ 38 വീടുകൾക്ക് ഭാഗിക നാശനഷ്ടമുണ്ടായി.
തിരൂർ-1, പൊന്നാനി,-1, തിരൂരങ്ങാടി-3, ഏറനാട്-8, നിലമ്പൂർ -1, കൊണ്ടോട്ടി-24 എന്നിങ്ങനെയാണ് വിവിധ താലൂക്കുകളിൽ ഭാഗികമായി തകർന്ന വീടുകളുടെ എണ്ണം.
ജില്ലയിൽ പൊന്നാനി എം.ഇ.എസ് ഹയർസെക്കൻഡറി സ്കൂളിൽ ഒരു ദുരിതാശ്വാസ ക്യാമ്പും പ്രവര്ത്തിക്കുന്നുണ്ട്.
നാല് കുടുംബങ്ങളിൽ നിന്നായി 13 പേരാണ് ക്യാമ്പിൽ കഴിയുന്നത്. (ആൺ-4, പെൺ-5, കുട്ടികൾ -4). കൂടുതൽ മുൻകരുതൽ എന്ന നിലയിൽ പൊന്നാനി എ.വി ഹയർ സെക്കന്ററി സ്കൂളിലും ക്യാമ്പ് സജ്ജമാക്കിയിട്ടുണ്ട്.
