മദ്യംവാങ്ങി അമിത വിലയ്ക്ക് കച്ചവടം നടത്തിയ യുവാവ് അറസ്റ്റിൽ.
വള്ളിക്കുന്ന് : ബിവറേജുകളിൽ നിന്നും മദ്യംവാങ്ങി അമിത വിലയ്ക്ക് കച്ചവടം നടത്തിയ യുവാവ് അറസ്റ്റിൽ. അരിയല്ലൂർ സ്വദേശി പുഴക്കൽ ജവാൻ വിനു എന്ന പേരിൽ അറിയപ്പെടുന്ന വിനു (32)നെയാണ് പരപ്പനങ്ങാടി പോലീസ് അറസ്റ്റ് ചെയ്തത്.
ബിവറേജുകളിൽ നിന്നും വാങ്ങുന്ന മദ്യം അഞ്ച് ഇരട്ടി വിലയ്ക്കാണ് ഇയാൾ കച്ചവടം നടത്തിയിരുന്നത്. അരിയല്ലൂർ ജംഗ്ഷനിൽ കച്ചവടം നടത്തുന്നതിനിടെയാണ് പോലീസ് ഇയാളെ പിടികൂടിയത്. മദ്യക്കുപ്പികളും മദ്യം അളന്ന് കൊടുക്കുന്നതിനുള്ള ‘പെഗ് മെഷററും മദ്യക്കച്ചവടത്തിന് ഉപയോഗിച്ചിരുന്ന വാഹനവും പോലീസ് ഇയാളിൽ നിന്നും പിടിച്ചെടുത്തു.
പരപ്പനങ്ങാടി എസ്.ഐ. പ്രദീപ് കുമാർ, പോലീസുകാരായ രഞ്ജിത്ത്, സഹദേവൻ, ഫൈസൽ, അനിൽ എന്നിവരുടെ നേതൃത്വത്തിൽ ആയിരുന്നു അറസ്റ്റ്. കോടതിയിൽ ഹാജരാക്കി 14 ദിവസത്തേക്ക് മഞ്ചേരി ജയിലിൽ റിമാന്റ് ചെയ്തു.
