പരപ്പനങ്ങാടിയിൽ ഓടിക്കൊണ്ടിരുന്ന കാറുകളിൽ യുവാക്കളുടെ അഭ്യാസ പ്രകടനം: പോലീസ് കേസ്സെടുത്തു.
പരപ്പനങ്ങാടി : വിവാഹ ആഘോഷം പൊലിപ്പിക്കുന്നതിനായി ഓടികൊണ്ടിരുന്ന കാറുകളിൽ ഡാൻസും അഭ്യാസ പ്രകടനവും നടത്തിയ യുവാക്കൾക്കെതിരെ പരപ്പനങ്ങാടി പോലീസ് എടുത്തു.
ശനിയാഴ്ചയാണ് വിവാഹത്തോട് അനുബന്ധിച്ച് വരൻ്റെ കൂടെ അനുഗമച്ച രണ്ട് കാറുകളിലാണ് കാറിന്റെ ഡിക്കി തുറന്നു കാൽ പുറത്തേക്കിട്ടും സൺ റൂഫിനുള്ളിലൂടെ തലയിട്ട് അപകടകരമാംവിധം ഡാൻസും അഭ്യാസങ്ങളും നടത്തുകയായിരുന്നു.
അപകട സാധ്യത മുന്നറിയിപ്പു നൽകിയിട്ടും യുവാക്കൾ തങ്ങളുടെ ഡാൻസ് തുടർന്നു. ഇതോടെ പരപ്പനങ്ങാടി- കോഴിക്കോട് ചെട്ടിപ്പടിയിൽ റോഡിൽ വെച്ച് ഇവരുടെ പ്രവർത്തനങ്ങൾ വീഡിയോയിൽ പകർത്തിയയാൾ ഇതിനെതിരെ നടപടി ആവശ്യപ്പെട്ട് പരപ്പനങ്ങാടി പോലീസിൽ പരാതി നൽകി.
തുടർന്ന് പോലീസ് വാഹനങ്ങൾ പിടിച്ചെടുത്തു. യുവാക്കൾക്കെതിരെ കേസെടുത്തതായി പരപ്പനങ്ങാടി സി ഐ നവീൻ ഷാജി പറഞ്ഞു.
