രാഹുൽ ഗാന്ധിയുടെ ഹോട്ടൽ മുറി വാടക വിവാദം; സംഭവം പുറത്ത് പറഞ്ഞ കോൺഗ്രസ് നേതാവിനെ പാർട്ടി പുറത്താക്കി
നിയമസഭാ തിരഞ്ഞെടുപ്പ് പ്രചാരണവുമായി ബന്ധപ്പെട്ട്‌ കൊല്ലത്ത്‌ എത്തിയ രാഹുൽ ഗാന്ധി എംപി താമസിച്ച ഹോട്ടൽ മുറിയുടെ വാടക നൽകിയില്ലെന്ന് പുറത്ത് പറഞ്ഞ കോൺഗ്രസ് നേതാവിനെ പാർട്ടി പുറത്താക്കി.
ഹോട്ടൽ വാടക നൽകാത്തതിനെ കുറിച്ച്‌ ഫെയ്സ്ബുക്കിൽ കുറിച്ച കോൺഗ്രസ് മൈനോറിറ്റി സെൽ ജില്ലാ സെക്രട്ടറി മുഹമ്മദ്‌ മുബാറക്ക്‌ മുസ്‌തഫയെ ആണ് കോൺഗ്രസ് പുറത്താക്കിയത്.
ദേശീയ നേതാക്കള്‍ക്ക് അവമതിപ്പുണ്ടാക്കിയതിനാണ് മുഹമ്മദിനെതിരെ നടപടി സ്വീകരിച്ചതെന്ന് ഡിസിസി വൈസ് പ്രസിഡന്റ് എസ് വിപിന ചന്ദ്രന്‍ അറിയിച്ചു.
തിരഞ്ഞെടുപ്പ് പ്രചാരണത്തിനെത്തിയ രാഹുൽ ഗാന്ധി ഹോട്ടൽ വാടക കൊടുത്തില്ലെന്ന വാർത്ത വലിയ ചർച്ചയായിരുന്നു. പാർട്ടി ജില്ലാ നേതൃത്വം നേരട്ട് ഇടപ്പെട്ടാണ് വിഷയം പരിഹരിച്ചത്. ഇതിന് പിന്നാലെയാണ് നടപടി.
