വെളിച്ചെണ്ണ വില തിളച്ചുപൊങ്ങുന്നു; ലിറ്ററിന് 400 രൂപ കടന്നു മുന്നോട്ട്; വ്യാജന്മാർ വിലസുന്നു;  മായം കണ്ടെത്താനുള്ള വഴികൾ ഇതാണ്..!

വില വർധനവ് വിപണിയെയും സാരമായി ബാധിച്ചു. ചെറിയ വില വ്യത്യാസത്തിൽ മാർക്കറ്റിൽ എത്തുന്ന വ്യാജന്മാരുടെ സാന്നിധ്യം മില്ലുടമകളെയും പ്രതിസന്ധിയിലാക്കുന്നുണ്ട്.

ഇതിനിടെ കാൻസറിന് കാരണമായേക്കാവുന്ന പാരഫിൻ അടക്കം ചേർത്ത വ്യാജ വെളിച്ചെണ്ണ സംസ്ഥാനത്ത് വ്യാപകമാകുന്നുവെന്ന പരാതികളും ഉണ്ട്. പരിശോധനകൾ ശക്തമാക്കിയതോടെ കടലയെണ്ണയും അയഡിനും ചേർത്ത പുതിയതരം വ്യാജ വെളിച്ചെണ്ണയും വിപണിയിലെത്തി. ഇത്തരം വ്യാജൻ പിടികൂടിയാൽ, പിഴ ചുമത്തുകയല്ലാതെ മറ്റ് കർശന നടപടികൾ ഉണ്ടാവാറില്ലെന്നും പരാതിയുണ്ട്. പരുത്തിക്കുരു എണ്ണ, നിലക്കടല എണ്ണ, പാം ഓയിൽ, ആർജിമോൺ ഓയിൽ, ഹെക്സൈൻ തുടങ്ങിയ ഹാനികരമായ രാസവസ്തുക്കളാണ് വെളിച്ചെണ്ണയിൽ മായമായി ചേർക്കുന്നത്.

എല്ലാ വെളിച്ചെണ്ണ നിർമ്മാതാക്കൾക്കും ബ്രാൻഡ് രജിസ്‌ട്രേഷൻ നിർബന്ധമാക്കാനും ഒരു നിർമ്മാതാവിന് ഒരു ബ്രാൻഡ് മാത്രമേ പുറത്തിറക്കാൻ അനുവാദമുള്ളൂ എന്നും ആരോഗ്യമന്ത്രി വീണാ ജോർജ്ജ്  കർശന നിർദ്ദേശം നൽകിയിട്ടുണ്ട്. ഇത് വ്യാജ വെളിച്ചെണ്ണയുടെ വിൽപ്പന തടയാനും നിയമനടപടി സ്വീകരിക്കാനും സഹായിക്കുമെന്നും മന്ത്രി.

മായം കണ്ടെത്താം