തിരക്ക് ഒഴിവാക്കാൻ വിഷു സ്പെഷല്‍ ട്രെയിനുകള്‍ അനുവദിച്ചു

പാലക്കാട്: വിഷു വേനല്‍ക്കാല അവധി ദിവസങ്ങളില്‍ യാത്രക്കാരുടെ അധിക തിരക്ക് ഒഴിവാക്കാൻ പ്രത്യേക ട്രെയിനുകള്‍ അനുവദിച്ചതായി റെയില്‍വേ അറിയിച്ചു.

ചെന്നൈ സെൻട്രല്‍-കൊല്ലം ജങ്ഷൻ വീക്‍ലി സ്‌പെഷല്‍ എക്‌സ്പ്രസ് (ട്രെയിൻ നമ്പർ: 06113) ഏപ്രില്‍ 12, 19 തീയതികളില്‍ രാത്രി 11.20ന് ചെന്നൈയില്‍നിന്ന് പുറപ്പെട്ട് അടുത്ത ദിവസം ഉച്ചക്ക് 3:30ന് കൊല്ലത്ത് എത്തും.

കൊല്ലം-ചെന്നൈ സെൻട്രല്‍ വീക്‍ലി സ്‌പെഷല്‍ എക്‌സ്പ്രസ് (06114) ഏപ്രില്‍ 13, 20 തീയതികളില്‍ രാത്രി 7.10ന് കൊല്ലത്തുനിന്ന് പുറപ്പെട്ട് അടുത്ത ദിവസം രാവിലെ 11.10ന് ചെന്നൈയില്‍ എത്തും.

മംഗളൂരു-തിരുവനന്തപുരം നോർത്ത് വീക്‍ലി സ്‌പെഷല്‍ എക്‌സ്‌പ്രസ് (06051) ഏപ്രില്‍ 10, 17 തീയതികളില്‍ വൈകുന്നേരം ആറിന് മംഗളൂരു ജങ്ഷനില്‍നിന്ന് പുറപ്പെട്ട് അടുത്ത ദിവസം രാവിലെ 6.35ന് തിരുവനന്തപുരം നോർത്തില്‍ എത്തും.

തിരുവനന്തപുരം നോർത്ത്-മംഗളൂരു വീക് ലി സ്‌പെഷല്‍ എക്‌സ്‌പ്രസ് (06052) ഏപ്രില്‍ 11, 18 തീയതികളില്‍ വൈകുന്നേരം 6.40ന് തിരുവനന്തപുരം നോർത്തില്‍നിന്ന് പുറപ്പെട്ട് അടുത്ത ദിവസം രാവിലെ ഏഴിന് മംഗളൂരുവില്‍ എത്തും.