ലോക് ഡൗൺ ലംഘിച്ച് ഇഫ്താർ വിരുന്ന് : പരപ്പനങ്ങാടിയിൽ 40 പേർക്കെതിരെ കേസെടുത്തു.
പരപ്പനങ്ങാടി : ലോക് ഡൗൺ ലംഘിച്ച ഇഫ്താർ വിരുന്ന് നടത്തിയ 40 പേർക്കെതിരെ പരപ്പനങ്ങാടി പോലീസ് കേസെടുത്തു. ഉള്ളണം എടത്തിരിക്കടവ് ഭാഗത്ത് സ്വകാര്യ വ്യക്തിയുടെ ഉടമസ്ഥതയിലുള്ള അനധികൃത റിസോർട്ടിൽ ഒരുക്കിയിരുന്ന ഇഫ്താർ വിരുന്നിൽ പങ്കെടുക്കാനെ ത്തിയ 40 ഓളം ആളുകളുടെയും റിസോർട്ടിന്റെ ഉടമസ്ഥൻ ഷാഫിയുടെയും പേരിലാണ് കേസ്.
ലോക് ഡൗൺ നിർദേശങ്ങൾ ലംഘിച്ചതിനും അറിഞ്ഞു കൊണ്ട് സാംക്രമിക രോഗങ്ങൾ പകരുന്നതിന് ഇടയാക്കിയ പ്രവൃത്തി ചെയ്തതിനും കേരള എപിഡെമിക് ഓർഡിനൻസ് പ്രകാരവും മറ്റുമാണ് പരപ്പനങ്ങാടി പോലീസ് കേസ് രജിസ്റ്റർ ചെയ്തത്. നിലവിൽ പരപ്പനങ്ങാടി മുനിസിപ്പാലിറ്റി യിലെ എല്ലാ വാർഡുകളും കണ്ടെയിൻമെന്റ് സോണുകൾ ആണ്.
അനധികൃതമായി പ്രവർത്തിക്കുന്ന റിസോർട്ടിനെതിരെയും പ്രതികളുടെ പേരിലും കർശന നടപടി സ്വീകരിക്കു മെന്ന് സി.ഐ. ഹണി കെ ദാസ് പറഞ്ഞു.
