ഓടിക്കൊണ്ടിരുന്ന ഇലക്‌ട്രിക് സ്‌കൂട്ടറിന് തീ പിടിച്ചു; യുവതിയും കുട്ടിയും രക്ഷപ്പെട്ടത് അത്ഭുതകരമായി..!
തിരൂരിൽ ഓടിക്കൊണ്ടിരുന്ന ഇലക്‌ട്രിക് സ്‌കൂട്ടറിന് തീ പിടിച്ചു.
തിരൂർ പൂക്കയിലിലാണ് സംഭവം.
തീപിടിച്ച സ്കൂട്ടറിലുണ്ടായിരുന്ന യുവതിയും കുട്ടിയും പരിക്കേല്‍ക്കാതെ അത്ഭുതകരമായി രക്ഷപ്പെട്ടു.
സ്കൂളില്‍നിന്ന് കുട്ടിയെ വിളിച്ച്‌ മടങ്ങുമ്പോഴായിരുന്നു സംഭവം.
ഒഴൂർ സ്വദേശിയായ യുവതി സഞ്ചരിച്ച സ്കൂട്ടറാണ് കത്തി നശിച്ചത്.
തിരൂർ ഭാഗത്തുനിന്ന് ഒഴൂരിലേക്ക് പോകുന്ന വഴി പൂക്കയിലെത്തിയപ്പോള്‍ സ്കൂട്ടറിലെ പിറകില്‍നിന്ന് പുകയുയരുന്നത് കണ്ട ആളുകള്‍ യുവതിയുടെ ശ്രദ്ധയില്‍പ്പെടുത്തുകയായിരുന്നു.
ഉടൻ സ്കൂട്ടർ നിർത്തിയതിനാല്‍ യുവതിക്കും കുട്ടിക്കും പരിക്കേല്‍ക്കാതെ രക്ഷപ്പെട്ടു.
ആദ്യം നാട്ടുകാരും പിന്നീട് തിരൂർ ഫയർഫോഴ്സും എത്തിയാണ് സ്കൂട്ടറിലെ തീ അണച്ചത്.
