വാഹനങ്ങളിലെ വിലപിടിപ്പുള്ള വസ്തുക്കൾ മോഷ്ടിക്കുന്ന സംഘം പിടിയിൽ
പരപ്പനങ്ങാടി : നിർത്തിയിട്ട ടോറസ് ലോറിയുടെ ബാറ്ററി മോഷ്ടിക്കുന്നതിനിടെ രണ്ടുപേരെ നാട്ടുകാർ പിടികൂടി പോലീസിലേൽപ്പിച്ചു.
തിരൂരങ്ങാടി ചുള്ളിപ്പാറ സ്വദേശികളായ കുണ്ടൂർ പള്ളിക്കൽ അബ്ദുൽ റാസിക്ക് (20), ചക്കിങ്ങൽതൊടി മുഹമ്മദ് ഫവാസ് (23) എന്നിവരെയാണ് പരപ്പനങ്ങാടി എസ്.ഐ. മുഹമ്മദ് റഫീഖും സംഘവും അറസ്റ്റ് ചെയ്തത്.
ശനിയാഴ്ച അർദ്ധരാത്രി രണ്ടുമണിയോടെ പാലത്തിങ്ങലിൽ വെച്ചാണ്
സംഭവം.
ലോറിയുടെ ബാറ്ററിയും ഊരിയെടുക്കുന്നത് ശ്രദ്ധയിൽപ്പെട്ട നാട്ടുകാർ പിടികൂടിപോലീസിനെ വിവരം അറിയിക്കുകയായിരുന്നു.
ഓട്ടോയിൽ എത്തിയ സംഘത്തിലെ മൂന്നുപേരിൽ ഒരാൾ ഓടിരക്ഷപെട്ടു.
ഇവർ സഞ്ചരിച്ച ഓട്ടോറിക്ഷയും പോലീസ് കസ്റ്റഡിയിലെടുത്തു.
പരപ്പനങ്ങാടി കോടതിയിൽ ഹാജരാക്കിയ പ്രതികളെ റിമാൻഡ്ചെ ചെയ്തു.
