ഓടിക്കൊണ്ടിരുന്ന കെഎസ്ആര്‍ടിസി ബസിന് തീ പിടിച്ചു
ഓടിക്കൊണ്ടിരുന്ന കെഎസ്ആര്‍ടിസി ബസ്സിന് തീ പിടിച്ചു. ചിറയിന്‍കീഴില്‍ നിന്ന് തിരുവനന്തപുരത്തേക്ക് പോയ ബസിനാണ് തീപിടിച്ചത്. ബസ് പൂര്‍ണമായും കത്തി നശിച്ചു.
ഇന്ന് രാവിലെ 11.30 മണിയോടെ ബസ് ചിറയിന്‍കീഴ് അഴൂരില്‍ എത്തുമ്പോള്‍ റേഡിയേറ്ററില്‍ നിന്ന് പുക ഉയരുന്നത് കണ്ട് ഡ്രൈവര്‍ ബസ് സൈഡിലേക്ക് മാറ്റുകയും യാത്രക്കാരെ സുരക്ഷിതമായി പുറത്തിറക്കുകയും ചെയ്തു. തുടര്‍ന്ന് ബസ്സിന് തീ പടര്‍ന്നു പിടിക്കുകയായിരുന്നു. ബസില്‍ 39 യാത്രക്കാരുണ്ടായിരുന്നു.
ആറ്റിങ്ങല്‍ വര്‍ക്കല എന്നീ യൂണിറ്റുകളിലെ ഫയര്‍ഫോഴ്‌സ് എത്തിയാണ് തീ പൂര്‍ണമായും നിയന്ത്രണവിധേയമാക്കിയത്. തീപിടുത്തത്തിന് കാരണം വ്യക്തമല്ല. ആറ്റിങ്ങല്‍ ഡിപ്പോയിലെ ബസ് ആണ്.
