ബസിൽ പോക്കറ്റടിച്ചയാളെ തിരൂരങ്ങാടി പൊലീസ് അറസ്റ്റ് ചെയ്‌തു
തിരൂരങ്ങാടി: ബസിൽ യാത്രക്കാരന്റെ പോക്കറ്റടിച്ച പെരിന്തൽമണ്ണ അങ്ങാടിപ്പുറം സ്വദേശി പെരുമ്പൻ മുഹമ്മദ് ശരീഫിനെ (40) തിരൂരങ്ങാടി പൊലീസ് അറസ്റ്റ് ചെയ്‌തു. തിങ്കളാഴ്ച ഉച്ചക്ക് 12നാണ് സംഭവം.
കോഴിക്കോട് -ഗുരുവായൂർ റൂട്ടിലോടുന്ന സ്വകാര്യ ബസിലെ യാത്രക്കാരന്റെ തിരിച്ചറിയൽ കാർഡ്, എ.ടി.എം കാർഡ്, 1300 രൂപ എന്നിവയടങ്ങുന്ന പേഴ്‌സാണ് മോഷ്ടിച്ചത്.
തലപ്പാറയിൽ ഇറങ്ങിയ യാത്രക്കാരൻ ഉടൻ മറ്റൊരു വാഹനത്തിൽ ബസിനെ പിന്തുടർന്ന് കൊളപ്പുറത്ത് ഇറങ്ങിയ ശരീഫിനെ പിടികൂടുകയായിരുന്നു.
