തീയേറ്ററുകളിൽ ‘മാസ്റ്റർ’ കാണാൻ വൻ തിരക്ക്
പരപ്പനങ്ങാടി : ഒരു വർഷത്തോളമായി അടഞ്ഞു കിടന്നിരുന്ന സിനിമാ തീയേറ്ററുകൾ ഇന്ന് തുറന്നതോടെ ആദ്യ സിനിമയായ ‘മാസ്റ്റർ കാണാൻ വിജയ് ആരാധകരുടെയും സിനിമാ പ്രേമികളുടെയും വൻ തിരക്ക്.
രാവിലെ 10.30 നു ആരംഭിക്കേണ്ട ആദ്യ ഷോ ക്കു നൂറുകണക്കിന് പേരാണ് രാവിലെ 8 മണിയോടെ തന്നെ തീയേറ്ററുകളിൽ എത്തിയത്.
എഴുനൂറോളം സീറ്റുകൾ ഉള്ള പല്ലവി, ജയകേരള തീയേറ്ററുകളിൽ കോവിഡ് മാനദണ്ഡമനുസരിച്ചു പകുതി സീറ്റുകളിൽ മാത്രമേ ആളുകളെ പ്രവേശിപ്പിച്ചിരുന്നുള്ളു.
എന്നിട്ടും ആയിരകണക്കിന് പേരാണ് ആദ്യ ദിവസം തന്നെ തീയേറ്ററുകളിൽ എത്തിയത് .
അതിൽ തന്നെ മാസ്ക് ഇട്ടവരും ഇടാത്തവരും മാസ്ക് താടിയിൽ വെച്ചവരും എല്ലാം ഉൾപെട്ടിട്ടുണ്ടായിരുന്നു.
മൂന്നു ഷോകൾ ആണ് ഒരു ദിവസം തീയേറ്ററുകളിൽ ഓടുന്നത്.
