പരപ്പനങ്ങാടിയിൽ ബൈക്ക് മോഷ്ടാവിനെ പിടികൂടി

പരപ്പനങ്ങാടി : സ്കൂട്ടർ മോഷ്ടിച്ച കേസിൽ യുവാവിനെ പരപ്പനങ്ങാടി പോലീസ് അറസ്റ്റ് ചെയ്തു.
കോഴിക്കോട് ഇങ്ങാപ്പുഴ സ്വദേശി ചരുവിളപ്പുറത്ത് അലാവുദ്ദീൻ (47) എന്നയാളെയാണ് പരപ്പനങ്ങാടി പോലീസ് ഇൻസ്‌പെക്ടർ കെ.ജെ. ജിനേഷിൻ്റെ നിർദ്ദേശ പ്രകാരം കല്പകഞ്ചേരി പോലീസിന്റെ സഹായത്തോടെ പരപ്പനങ്ങാടി സബ്ഇൻസ്പെക്ടർ ബാബുരാജ് അറസ്റ്റ് ചെയ്തത്.

ചെട്ടിപ്പടിയിൽ വെച്ച് ജുപ്പീറ്റർ സ്കൂട്ടർ മോഷണം ചെയ്ത കേസിലെ പ്രതിയാണിയാൾ. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. മോട്ടോർസൈക്കിൾ മോഷണം നടത്തിയ മറ്റു രണ്ടുപേർ കൂടിയുണ്ടെന്ന് പോലീസ് പറഞ്ഞു